新聞類別
財經
詳情#
【蘋果日報】
華華收到風，恒大（3333）董事長許家印今日會再現業績會！各位想一睹佢真人風采真係要把握機會，事關近年要見佢一面唔係咁易。
過去兩年恒大四場業績會中，就有兩場未見許家印人影。對上一次，副主席夏海鈞仲明言，以後大家要習慣主席未必出席中期業績會。換言之，日後要見許家印，只能一期一會。
不過，華華都明解，恒大過去2年都站在風口浪尖，董事長自然貴人事忙。生怕各位看倌忘記，華華唔介意做一次榕樹頭講古佬。
話說恒大於2016年介入萬科（2202）股權爭奪戰，連同更早期已經入股的寶能系等，當時都被中證監主席劉士余力斥，話呢種強行入股收購屬「野蠻人」行為，而恒大旗下用嚟入股萬科同炒A股嘅恒大人壽，仲被中保監約見兼禁止投資股票一年。事情天天都多，許家印自然頭痕兼頭大。
事情喺去年先獲圓滿解決，而短短一年過去，內地財金市場已經變化甚大。其中中保監已經「作古」，同中銀監合併；而恒大亦都繼續鍊贏萬科，去年全年合同銷售排名第二，連許老哥本人亦斬獲甚豐，憑303億美元（約2,363億港元）身家排名全國富豪第四。
李華華
LiWaWa@AppleDaily.com
華華收到風，恒大（3333）董事長許家印今日會再現業績會！各位想一睹佢真人風采真係要把握機會，事關近年要見佢一面唔係咁易。
過去兩年恒大四場業績會中，就有兩場未見許家印人影。對上一次，副主席夏海鈞仲明言，以後大家要習慣主席未必出席中期業績會。換言之，日後要見許家印，只能一期一會。
不過，華華都明解，恒大過去2年都站在風口浪尖，董事長自然貴人事忙。生怕各位看倌忘記，華華唔介意做一次榕樹頭講古佬。
話說恒大於2016年介入萬科（2202）股權爭奪戰，連同更早期已經入股的寶能系等，當時都被中證監主席劉士余力斥，話呢種強行入股收購屬「野蠻人」行為，而恒大旗下用嚟入股萬科同炒A股嘅恒大人壽，仲被中保監約見兼禁止投資股票一年。事情天天都多，許家印自然頭痕兼頭大。
事情喺去年先獲圓滿解決，而短短一年過去，內地財金市場已經變化甚大。其中中保監已經「作古」，同中銀監合併；而恒大亦都繼續鍊贏萬科，去年全年合同銷售排名第二，連許老哥本人亦斬獲甚豐，憑303億美元（約2,363億港元）身家排名全國富豪第四。
李華華
LiWaWa@AppleDaily.com
留言 (0)
