「村長」每日消毒：諗番覺得好勇

【蘋果日報】2003年淘大花園錄得321宗沙士個案，6次當選該區議員的「村長」葉興國（圖）指那時每日堅守前線，處理消毒工作，直言「當年淘大商場一個人都冇，一間舖都冇開，點似依家咁熱鬧！」
身為淘大業主的葉興國對沙士仍刻骨銘心，他指2003年3月26日政府宣佈淘大花園6名住客感染沙士，但未意識到危機，直到數日後感染率幾何級上升，陸續有人送院，才知道沙士的嚴重性。葉興國表示，當時淘大居民非常恐慌，大量居民搬出屋苑。單是E座，港府宣佈狀況後短短一星期，已有三分一住客遷出，直至封樓時期，E座只剩下三分一住客。
住客聞漂白水味始安心
葉直言，「當時我開1,500蚊一工，叫人嚟消毒，都冇人肯嚟，搞到要落手落腳做，而且每戶畀口罩同消毒劑，搞到一支消毒劑難求，加上人人倒消毒劑，成屋苑啲坑渠一隻蛇蟲鼠蟻都冇」，他指「有住客仲驚到喺大堂聞唔到漂白水味會唔安心，要我打開漂白水蓋，揮發全大堂殺病毒！」淘大花園當時引入大量衞生設施，每座設有酒精消毒潔手機及醫療儀器級別的空氣細菌消毒儀，沿用至今。
葉坦言，「自己都好驚會中招，屋企人都好擔心，但E座好多居民搵我，身為業主立案法團，見到街坊有難，唔通唔照顧咩！依家諗番都覺得自己好勇！」經歷沙士一役後，葉興國認為居民防感染意識高了，亦很團結，提起淘大亦不會與沙士掛鈎。
■記者黃朗鈞