新聞類別
財經
詳情#
【蘋果日報】為咗長壽健康，有人選擇練氣功打坐，有人選擇飲食均衡，港交所（388）行政總裁李小加就更厲害，就係積極推動生物科技公司嚟香港上市，希望幫到自己活到120歲。
搞峯會為冇收入公司造勢
港交所噚日舉行香港生物科技峯會，為即將引入冇收入冇盈利嘅生物科技公司造勢。李小加一直係支持生物科技公司上市嘅大推手，噚日再話目前係「天時地利人和」嘅好時機，吸引生物科技公司上市，仲自爆咁支持係有私心，「男性平均壽命是84歲，我距離還有29年，希望無病痛活到100歲，甚至120歲！」
嘩！咁大想頭，問過習帝未㗎？查實李小加都係講吓笑，搞吓氣氛，最緊要係氹到會上超過500位生物科技人士同業界高興，皆因台下分分鐘有潛在嘅公司有興趣上市。
李小加話，支持生物科技公司上市係「雪中送炭」，希望佢哋集資後可以加強研發，到時為大家延年益壽，就算李小加呢代做唔到，希望下一代都可以得益。佢仲話，中國正推行醫改，監管壁壘將大規模消失，令相關人才及資金流動。但目前中國仍然不夠富，認為生命科學必須發展至可負擔，尤其農村及收入低端的人口，才符合中國國情。
李華華
LiWaWa@AppleDaily.com
搞峯會為冇收入公司造勢
港交所噚日舉行香港生物科技峯會，為即將引入冇收入冇盈利嘅生物科技公司造勢。李小加一直係支持生物科技公司上市嘅大推手，噚日再話目前係「天時地利人和」嘅好時機，吸引生物科技公司上市，仲自爆咁支持係有私心，「男性平均壽命是84歲，我距離還有29年，希望無病痛活到100歲，甚至120歲！」
嘩！咁大想頭，問過習帝未㗎？查實李小加都係講吓笑，搞吓氣氛，最緊要係氹到會上超過500位生物科技人士同業界高興，皆因台下分分鐘有潛在嘅公司有興趣上市。
李小加話，支持生物科技公司上市係「雪中送炭」，希望佢哋集資後可以加強研發，到時為大家延年益壽，就算李小加呢代做唔到，希望下一代都可以得益。佢仲話，中國正推行醫改，監管壁壘將大規模消失，令相關人才及資金流動。但目前中國仍然不夠富，認為生命科學必須發展至可負擔，尤其農村及收入低端的人口，才符合中國國情。
李華華
LiWaWa@AppleDaily.com
留言 (0)
