弗爆高俊熙LA晒泳裝完美身材秘訣係...

【蘋果日報】韓劇《她很漂亮》32歲女星高俊熙擁有模特兒身材，佢近日就飛咗去美國洛杉磯開工，為雜誌拍照。


而高俊熙仲喺Instagram大派福利，日前上載三張穿上紅色性感泳衣照，大晒均勻身材，佢身形keep到漏油，真係令人羨慕不已。除咗身材外，網民最留意就係高俊熙身邊嘅大型Fendi袋，同佢一樣好吸晴。


高俊熙keep住好身材原來都有秘訣，因為佢本身唔忍得肚餓，所以每日要食四至五餐，但好多時都係小食多餐，早餐佢仲會選擇食蕃薯，因為夠高纖又易飽肚又有營養，而佢亦會避吃蛋糕、麵包、餅乾等加工食物，兼拒食煎炸嘢，就係因為咁先令佢可以keep住咁嘅身形。