新聞類別
財經
詳情#
【蘋果日報】
樓價飛升，小市民置業無期，今日一篇報道有27%的受訪人士認為有生之年都買唔到樓，都幾悲觀。
事實亦擺在眼前，樓價由2003年起到今日已經升左15年。如果一個係2003年剛剛大學畢業22歲既小伙子一路都無買樓，到今年佢已經37歲，已經步入中年。當正常60歲退休，佢有穩定收入既時間只係淨番23年，做唔到25年按揭，供住樓退休。如果唔好彩，收入唔夠要再拉長供30年，佢退左休都要繼續供，或者選擇做到67歲。做到老，供到老就係佢地既寫照。
樓價一路升，政府就一路出招聲稱壓樓價，結果就係樓價升咗15年。不久之前，財政司司長陳茂波話考慮開徵空置稅。姑勿論佢係針對全港業主定係地產商，都係九唔搭八。有時其實唔需要好準確數字，大家只要夜晚出街行個圈，有幾多幢大廈係烏燈買火？就大概知道香港房屋空置率有幾低。係咁低空置率下開徵空置稅，對樓價會有幾大壓抑大家都知，側面反映政府其實已經技窮。佢既無心打壓樓價，亦無能力再推多個8萬5政策去增加供應，只可以得閒出嚟宣佈一啲無甚效用嘅政策，敷衍了事。
房屋資源有限，唔只私樓供應有限，公屋居屋供應亦唔多。與其租樓等樓價跌，倒不如先加入戰團搶公屋居屋，就算要減人工都係咁話。畢竟喺過去呢20年，呢個政府嘅政策一路都係鼓勵你向下流同懲罰勤奮嘅人。
Melody
Fb.com/whichroad
Melody
樓價飛升，小市民置業無期，今日一篇報道有27%的受訪人士認為有生之年都買唔到樓，都幾悲觀。
事實亦擺在眼前，樓價由2003年起到今日已經升左15年。如果一個係2003年剛剛大學畢業22歲既小伙子一路都無買樓，到今年佢已經37歲，已經步入中年。當正常60歲退休，佢有穩定收入既時間只係淨番23年，做唔到25年按揭，供住樓退休。如果唔好彩，收入唔夠要再拉長供30年，佢退左休都要繼續供，或者選擇做到67歲。做到老，供到老就係佢地既寫照。
樓價一路升，政府就一路出招聲稱壓樓價，結果就係樓價升咗15年。不久之前，財政司司長陳茂波話考慮開徵空置稅。姑勿論佢係針對全港業主定係地產商，都係九唔搭八。有時其實唔需要好準確數字，大家只要夜晚出街行個圈，有幾多幢大廈係烏燈買火？就大概知道香港房屋空置率有幾低。係咁低空置率下開徵空置稅，對樓價會有幾大壓抑大家都知，側面反映政府其實已經技窮。佢既無心打壓樓價，亦無能力再推多個8萬5政策去增加供應，只可以得閒出嚟宣佈一啲無甚效用嘅政策，敷衍了事。
房屋資源有限，唔只私樓供應有限，公屋居屋供應亦唔多。與其租樓等樓價跌，倒不如先加入戰團搶公屋居屋，就算要減人工都係咁話。畢竟喺過去呢20年，呢個政府嘅政策一路都係鼓勵你向下流同懲罰勤奮嘅人。
Melody
Fb.com/whichroad
Melody
留言 (0)
