新聞類別
娛樂
詳情#
【蘋果日報】
胡杏兒日前為老公李乘德（Philip）炮製生日大餐，Philip喺社交網晒老婆嘅招積相，點知梳咗all back頭嘅杏兒被「出賣」咗髮線向上移嘅危機，網友關心杏兒做咗媽咪後係咪壓力好大，杏兒喺微博回覆：「其實我的髮際線一直都這麼後，只是大家沒注意到而已，大家不用害怕，孩子照樣可以生。」
遺傳髮線高
噚日杏兒到尖沙嘴出席奶粉活動，講到髮線上移問題，佢大方回應：「係爸爸遺傳，大家唔好擔心，老公都冇乜留意自己髮線位置，原意係想讚我廚藝。」佢話囝囝李奕霆快六個月大，體重近二十磅，笑言自己依家臂力好好，仲做埋母乳達人，佢話：「生多幾個都冇所謂，我會努力keep住做，把握機會，夾吓日子，仔女都冇所謂，不過我見到啲女仔着衫咁靚，好羨慕。」談及姐夫鄭泳舜當選立法會議員，杏兒表示有恭喜佢。
同場嘅呂慧儀指囝囝黃柏翹已三歲半，佢想再追多個小朋友，但囝囝唔准：「佢話可以分享玩具，但唔可以分享媽媽。」
撰文：馮仁昭
胡杏兒日前為老公李乘德（Philip）炮製生日大餐，Philip喺社交網晒老婆嘅招積相，點知梳咗all back頭嘅杏兒被「出賣」咗髮線向上移嘅危機，網友關心杏兒做咗媽咪後係咪壓力好大，杏兒喺微博回覆：「其實我的髮際線一直都這麼後，只是大家沒注意到而已，大家不用害怕，孩子照樣可以生。」
遺傳髮線高
噚日杏兒到尖沙嘴出席奶粉活動，講到髮線上移問題，佢大方回應：「係爸爸遺傳，大家唔好擔心，老公都冇乜留意自己髮線位置，原意係想讚我廚藝。」佢話囝囝李奕霆快六個月大，體重近二十磅，笑言自己依家臂力好好，仲做埋母乳達人，佢話：「生多幾個都冇所謂，我會努力keep住做，把握機會，夾吓日子，仔女都冇所謂，不過我見到啲女仔着衫咁靚，好羨慕。」談及姐夫鄭泳舜當選立法會議員，杏兒表示有恭喜佢。
同場嘅呂慧儀指囝囝黃柏翹已三歲半，佢想再追多個小朋友，但囝囝唔准：「佢話可以分享玩具，但唔可以分享媽媽。」
撰文：馮仁昭
回應 (0)
