新聞類別
財經
詳情#
【蘋果日報】
擅長度橋擴充業務嘅按證公司總裁李令翔（Raymond），噚日舉行傳媒年度午宴，因年中推年金引伸嘅法規要求（一般保險牌照公司不能同時持有經營年金業務既壽險牌），按證公司就要架構重組，生咗兩個仔──「香港年金」與「香港按證保險」兩間附屬公司，各設總裁掌舵，按證公司就變身控股集團，繼續購買按揭資產及發掘新業務。
Raymond話，今次係6年嚟首趟有3個CEO現身，仲講笑話，打咗本畀兩個仔獨立營運後，以後就要自負盈虧，意味唔使靠父幹嘞。
咁，係咪唔准返轉頭問老豆攞銀？Raymond笑指，唔係唔得，如果攞就解釋吓囉，以後兩個仔嘅風險承擔，亦有保監局督導。
年金公司總裁劉應彬近期都經常曝光，但按證保險公司原來上月情人節，先獲保監局發牌，新總裁係原按證公司高級副總裁鮑克運，日後負責按保、安老按揭、中小企融資擔保、補價易貸款保險等業務，按證公司已打本30億畀阿仔運作。
外界期待嘅年金計劃，今年中推出，公眾教育同電視廣告，就本月底登場，據聞廣告內邀請了一位藝人粉墨登場，扮演長者介紹年金詳情。
李華華
李華華
LiWaWa@AppleDaily.com
擅長度橋擴充業務嘅按證公司總裁李令翔（Raymond），噚日舉行傳媒年度午宴，因年中推年金引伸嘅法規要求（一般保險牌照公司不能同時持有經營年金業務既壽險牌），按證公司就要架構重組，生咗兩個仔──「香港年金」與「香港按證保險」兩間附屬公司，各設總裁掌舵，按證公司就變身控股集團，繼續購買按揭資產及發掘新業務。
Raymond話，今次係6年嚟首趟有3個CEO現身，仲講笑話，打咗本畀兩個仔獨立營運後，以後就要自負盈虧，意味唔使靠父幹嘞。
咁，係咪唔准返轉頭問老豆攞銀？Raymond笑指，唔係唔得，如果攞就解釋吓囉，以後兩個仔嘅風險承擔，亦有保監局督導。
年金公司總裁劉應彬近期都經常曝光，但按證保險公司原來上月情人節，先獲保監局發牌，新總裁係原按證公司高級副總裁鮑克運，日後負責按保、安老按揭、中小企融資擔保、補價易貸款保險等業務，按證公司已打本30億畀阿仔運作。
外界期待嘅年金計劃，今年中推出，公眾教育同電視廣告，就本月底登場，據聞廣告內邀請了一位藝人粉墨登場，扮演長者介紹年金詳情。
李華華
李華華
LiWaWa@AppleDaily.com
留言 (0)
