38歲清水健自製「壯陽便當」話你知有乜材料

【蘋果日報】日本資深AV男優清水健出道20年，佢計過以往合作嘅女拍檔達一萬個咁多，稱得上係目前最多產嘅愛情動作片男星。38歲嘅清水健一向好注重鍛鍊身體，除有做運動外，飲食對佢都相當重要，所以開工前都會自己準備「壯陽便當」，望到拍攝現場都保持精力充沛。
清水健受訪時分享心得，佢指如果男性肥胖的話會導致勃起力下降：「30歲到40歲這段期間勃起力會開始下降，但是比起年齡變大，肥胖的影響會比較大。」清水健自言都好容易肥，理由係跟一般上班族一樣，慣性在晚上外出食飯，包括收工後會去食燒烤、拉麵等等，所以平時控制飲食外更要注重肌肉鍛鍊，讓兩者取得均衡。清水健表示平時都有計算蛋白質、碳水化合物、脂肪嘅攝取量，所以佢都會準備「壯陽便當」在拍攝時進食：「帶去攝影現場的便當，是我精力跟性慾的泉源。」至於便當內咩材料？清水健打開便當，裡面有西蘭花、紅蘿蔔、波菜、秋葵、蕃茄、南瓜，有時會再加冬菇、淮山或雞胸肉等，清水健補充：「蔬菜與冬菇有身體必須的維他命、礦物質、食物纖維，雞肉則是高蛋白低脂肪，淮山能夠刺激荷爾蒙，以上都是可以增加勃起力的食材。」不過清水健自爆唔太擅長煮飯，所以通常只買急凍食品或已經切好嘅蔬菜來做便當。