糖水婆婆遭食環票控半百市民不滿起哄

【蘋果日報】藍田發生食環署職員執法與市民爆衝突事件！周六晚9時許，一名婆婆在港鐵藍田站出口近啟田大廈對開疑擺檔準備賣糖水，其間食環署職員上前打算票控，指她無牌販賣及阻街，卻引來大批市民圍觀。部份市民起哄聲援婆婆，並與職員理論，聲言婆婆未曾開始賣糖水。食環署人員於是報警要求增援，警方派出多部衝鋒車到場，警員將人群分隔，最後帶走婆婆調查。
街坊姜先生當時在場目擊經過，他指涉事婆婆年約70多歲，「佢(婆婆)擺咗兩桶糖水喺街，準備賣，但當時未賣，有食環職員睇到佢就話拉佢。」事件一度引來約60名市民圍觀，他續指：「有途人就同食環職員理論，話婆婆冇擺賣，冇權拉佢！」
姜先生形容警員其後到場增援，一度手持盾牌，氣氛緊張。警員把人群分隔，最後把婆婆帶走調查。他不諱言經常見該名婆婆在上址「擺檔」：「(婆婆)冇乜點阻街，但(職員)執正嚟做都有得拉嘅，始終係非法擺賣」；惟他認為事件原本只是小事，「圍觀嘅市民似乎激動咗，誇大咗件事。」