新聞類別
娛樂
詳情#
【蘋果日報】伍詠薇（伍姑娘）老公練海棠年前被指背妻偷食，但最後得伍姑娘原諒，一切雨過天晴。原來今年是兩人踏入結婚19周年，適逢伍姑娘早前到東京為奇妙電視主持《四小時生活圈》，電視台便花3個月時間籌備，送了一份超級驚喜賀伍姑娘結婚周年快樂。
快閃團渡梓助興
奇妙找來日本人氣快閃團隊Emotion Rise合作，及找來主唱《Wedding Day》的日本歌手渡梓唱live助興。原來奇妙着練海棠靜靜雞提早一日到日本探班，另方面就安排伍姑娘到一餐廳做情深訪問。其實餐廳所有侍應和食客都由快閃舞成員假扮，當現場突然熄燈及音樂響起，渡梓與快閃舞成員便出來唱歌跳舞，然後練海棠突然攞住花束送給老婆，令伍姑娘感動狂喊。練海棠之後拿結他自彈自唱《The Wonder of You》，感激老婆多年來對自己支持和包容。
讚老公媾女高手
記者昨致電伍姑娘，她指奇妙電視在今次緊密行程送驚喜派對，令她十分感動。伍姑娘指年前在網上看過Emotion Rise驚喜表演時已經覺很正，想不到他們竟為自己送上驚喜：「我以為真係有人求婚，點知原來為咗我做呢件事，跟住我老公仲喺高潮走出嚟，白馬王子咁唱歌，我都未見過，呢個媾女高手，我對咗佢19年都未見過佢孭住結他唱歌，好多謝電視台團隊，所以我喊到豬頭咁。永遠唔會覺得啲嘢太遲，原來呢個係遲來的春天，好開心。」
伍姑娘指最搞笑是他們的女導遊向日本人介紹她是香港藝人時，竟指伍姑娘等同日本藤原紀香級數，伍姑娘笑說：「我話吓？嗰個cup數？我冇佢咁大喎！」
採訪：魯吉
快閃團渡梓助興
奇妙找來日本人氣快閃團隊Emotion Rise合作，及找來主唱《Wedding Day》的日本歌手渡梓唱live助興。原來奇妙着練海棠靜靜雞提早一日到日本探班，另方面就安排伍姑娘到一餐廳做情深訪問。其實餐廳所有侍應和食客都由快閃舞成員假扮，當現場突然熄燈及音樂響起，渡梓與快閃舞成員便出來唱歌跳舞，然後練海棠突然攞住花束送給老婆，令伍姑娘感動狂喊。練海棠之後拿結他自彈自唱《The Wonder of You》，感激老婆多年來對自己支持和包容。
讚老公媾女高手
記者昨致電伍姑娘，她指奇妙電視在今次緊密行程送驚喜派對，令她十分感動。伍姑娘指年前在網上看過Emotion Rise驚喜表演時已經覺很正，想不到他們竟為自己送上驚喜：「我以為真係有人求婚，點知原來為咗我做呢件事，跟住我老公仲喺高潮走出嚟，白馬王子咁唱歌，我都未見過，呢個媾女高手，我對咗佢19年都未見過佢孭住結他唱歌，好多謝電視台團隊，所以我喊到豬頭咁。永遠唔會覺得啲嘢太遲，原來呢個係遲來的春天，好開心。」
伍姑娘指最搞笑是他們的女導遊向日本人介紹她是香港藝人時，竟指伍姑娘等同日本藤原紀香級數，伍姑娘笑說：「我話吓？嗰個cup數？我冇佢咁大喎！」
採訪：魯吉
回應 (0)
