「工程佬唔係好粗魯」

【蘋果日報】飛機維修員一向男性居多，港機工程（044）機身服務的無損探傷測試工程師王晶璧是當中少有的女工程師，更為男同事「平反」。維修工作動輒要卸除引擎、搬工具，她說，工程佬看似粗魯，實際上很照顧女同事，「着數多啲，因為師傅會好錫你。」
講粗口會「對唔住」
王晶璧指，2006年入行時，公司約有3,000至4,000名男員工，除了清潔工，女員工不多於20個。「有人話啲工程佬好粗魯，唔係㗎，佢哋唔講粗口，一講粗口就『對唔住、對唔住』。我哋問嘢都會好細心咁教。」
在男人堆中工作多年，她認為女性較細心、集中力強、有耐性，有助「捉蛇」，即找出裂紋。同樣要不畏高，爬上機翼、飛機各部份檢查。2015年她升任為工程師，坦言公司內不乏一做數十年的工程師，不過也見過不少人因為鍾意飛機而入行，但不習慣工作性質而中途離開。
她說，飛機維修不是搵快錢的行業，要腳踏實地，持續進修、考試，「唔係個個都會做一世」。她自己直到今天仍笑指，引擎如同飛機的心臟地帶，「每次聽到引擎聲，就算做咗十幾年，都係會好興奮、好開心。」