一地兩檢委員會狂加會議員質疑設「大限」

【蘋果日報】政府力爭廣深高鐵香港段於今年第三季通車，立法會《廣深高鐵（一地兩檢）條例草案》委員會也加會「開快車」，本月13日至下月30日期間將召開13次會議，下周六（17日）則召開公聽會。身兼委員會主席的行會成員葉劉淑儀堅稱未有為完成審議設定死線，一地兩檢關注組發言人陳淑莊（圖）則指頻密開會的安排，已為一地兩檢製造「大限」，質疑葉劉是想配合政府，將5月初定為完結審議草案的日子。
陳帆將出席公聽會
葉劉昨與法案委員會副主席、同樣身兼行會成員的民建聯張國鈞會見傳媒，交代直至下月的加會安排，她堅持「我哋暫時冇劃乜嘢（審議）死線」，但她明言，「但各位都知道呢條條例有一定嘅時間性，咁我哋嘅目標都係今年暑假、立法會休會前完成審議工作」。
問及有否政府官員要求須在指定時間通過條例草案時，葉劉指出，「佢哋都知道係要根據實際情況嘅箒，睇審議進度，但政府已講咗（條例草案）唔通過，就唔可以9月實施一地兩檢，呢點係好清晰」，她又指工程已經逾90%完工，作為主席或議員都有一定責任，並須考慮公眾利益。
下周六舉行的公聽會分為兩節，預計100名代表能參與，每人發言約3分鐘，運輸及房屋局局長陳帆會出席聽取意見。
陳淑莊斥有關加會安排明顯是要配合政府的死線，而政府至今未能解答立法會秘書早前就一地兩檢提出的法律問題，呼籲身為主席的葉劉主持會議時要公平公道，不要再作無理限制。
■記者林俊謙