中國聯通故障變晒單機用戶：以為執笠

【蘋果日報】電話網絡商中國聯通昨日疑發生伺服器故障，無法提供服務。《蘋果》昨早收到多名使用中聯通服務的讀者報料，均指無法上網及撥打電話，而中聯通facebook專頁，亦有大批用家留言表示遇上相同問題，有用家留言：「電話完全打唔通，又無網絡，客戶服務熱線又打唔通，係咪執咗?」《蘋果》曾多次致電中聯通的客戶服務熱線及門市，但均無人接聽。
記者昨日下午到中國聯通的門市了解，其間不斷有用家到場了解情況，職員承認網絡的確出現問題，「暫時上網同電話個network都唔得，（幾耐有番？）我估最快半日，不過真係答你唔到」。
中國聯通其後在facebook專頁表示，由於昨早11時左右出現的網絡設備軟件故障，引致部份客戶的流動通訊服務受到影響。經搶修後，受影響客?於14時20分起陸續恢復正常。
用家石先生表示，「中聯通張卡完全用唔到，暫時用另一張卡share出嚟，再用WhatsApp同微信同人聯絡。我用咗（中聯通）幾年，so far都係第一次（故障）」。
用家吳小姐稱，大概中午12時許便無法上網及撥打電話，「好麻煩，打唔到電話」，只能靠連接wi-fi上網，會考慮轉台。