屢遭乘客指罵　車長壓力爆煲

【蘋果日報】大埔19死車禍引發社會對巴士車長的關注。揸巴士工作看似簡單，但有不少車長指，除了要背負安全責任，乘客無理取鬧的情況越來越多，不時遭指罵，在大埔車禍發生後，心理壓力更沉重，盼乘客可互相尊重。另有車長說，無法受惠於今次加薪方案，斥九巴玩數字遊戲。
任職九巴車長8年的姚先生表示，車長要顧及乘客與路面安全，雖然已經習慣，但發生大埔車禍後壓力更大，慨嘆現時的乘客越來越惡，出現更多無理取鬧的情況，「大力掟啲錢入個錢箱、牛咁眼睥住你、又會對錶睇你有冇遲到，遲到就落車抄你車牌，但呢啲已經算係好小事」，盼乘客能夠互相尊重，九巴亦應為員工加強心理支援。月入2.1萬元的他說，自己是特別更車長，無法受惠於是次加薪方案，「要公司編更，有OT先有」。
「開快開慢都鬧」
擔任九巴車長20多年的張先生也指，乘客指罵車長的情況越趨嚴重，「開得快又鬧，開得慢又鬧，壞車就死梗！以前指住你，帶埋你阿媽出嚟鬧兩句，但依家直程唔畀你行（車）」。以日薪計算的他說無法受惠於新方案，更擔心資方會削減工時，變相減薪。另一名日薪車長黃先生（化名）工作10年，由入職時月賺1.5萬元至現時2萬元，批評九巴加薪方案毫無誠意，「受惠唔到，只不過係左手交右手，數字遊戲」。
入職2年的歐陽先生（化名）則是月薪車長，月入1.7萬元。他說，像他般的新入職車長是「評核車長」，沒有雙糧，需經公司的評核後才可獲每半年一次的6,000元獎金，而薪金亦不及日薪全職車長，撇除年資，或會出現同工不同酬的情況，「今個月公司推出嗰個方案得益嘅，只有本身有雙糧嘅月薪車長。我哋係最卑微嗰班，最少畀番啲糖我哋」。他又強調，車長並非為了發「死人財」，而是社會近期聚焦在巴士車長，才藉此時機讓社會關注車長薪酬問題。
■記者李詠希