新聞類別
港聞
詳情#
【蘋果日報】踏入狗年，不少打工仔願望均是毋須「做到隻狗」，最好能安樂無憂，不過現實卻是香港貧富懸殊加劇，樓價癲升，人工追不上通脹。70後夫婦Victor和Grace，幸運地四十歲已踏入收成期，擁有高薪厚職又有自己物業，本可舒舒服服管理下屬兼咬長糧。不過，兩人竟於前年毅然「裸辭」，寧願跳出舒適區，發展人生更多可能性。面對兩個仍在求學的兒子，他們亦只瀟灑地說：「你自己要努力啲喇，唔好諗住阿爸阿媽會有層樓畀你囉。」
記者：陳麗賢 攝影：張柏基 剪接：魏利民
退休非一步登天 畢業至今「我哋收入會儲5成」
恩愛夫婦Grace和Victor看來是讓人羨慕的中產家庭，擁有自己物業，又育有兩個乖巧兒子。事實上，兩人一直為安穩生活下了許多苦功。Grace和Victor是大學電腦系同學，當其他同輩追求夢想時，他們笑言自己較實際：「我地以前邊科搵到食咪就揀邊科，邊有話你鍾意唔鍾意㗎。」
電腦不但撮合了他們，而且踏入千禧互聯網騰飛發展時代，兩人一畢業就順利加入銀行I.T部門，負責設立及管理資料庫。雖然不斷升職，但是兩人有共識要維持節儉淡泊的生活，尤其是儲蓄：「畢業至今，我哋會將每月收入5成儲起。」聽到數字覺得難度極高，不過Grace則說可由生活習慣做起：「如果你生活模式係環保嘅，基本上你唔會太過揮霍。」家中大部分電器使用超過十年，Victor甚至會自學維修；放假多數行山，因為健康又毋須花錢；一家人會去旅行，不過搭廉航和住平價旅館；電話用舊款，能夠與外界聯繫便可。
踏入人生下半場 由追求安穩到追求自我
拼搏多年，雖然終於達到理想的財政目標，但Victor卻感到遇上人生瓶頸位：「我做同一份工已經做足23年，如果我再做多10年、20年，做其他嘢嘅機會只會愈少。」直到有日，他看到一本書講「人生下半場」，聯想自己猶如足球員一樣，站在45分鐘中場休息點，是時候反思下半場踢法：「我想掌握番自己時間，學啲新嘢。」太太剛好瀏覽到一個講提早退休的網站，兩人一拍即合，決定於45歲齊齊「祼辭」，Grace：「我覺得退休唔代表咩都唔做，如果可以嘅話想貢獻吓社會。」
變導賞員 與漁民打交道
於是，辭職後兩人積極尋找義工工作，最後被「海洋公園 x信和集團黃金導賞員計劃」吸引，通過兩日培訓，於「海洋奇觀」等展館擔任導賞員，向旅客傳遞生態保育知識，Victor：「舊時你喺office見嚟見去都係嗰幾個人，講來講去都係相關系統裡面嘅。相比我地而家做導賞員，一日已經見好多人，可以同好多唔同人交流，聽到好多唔同故事。有時遇到啲舊時係打魚嘅，其實佢地好熟都會指出呢隻係咩魚。咁我就向佢哋請教。」兩人由沉默的I.T人變成開朗的導賞員，重新拾起課本學習，Victor為找到新方向感到興奮：「自己發覺離開舊時知識範疇，前路仲可以有好多生態嘅嘢可以學。」
鼓勵自立 拒絕養兒100歲
不過，他們的長子仍在讀大學一年級，次子則讀中學，在人人都講求「成功需父幹」年代，難道這對父母沒有壓力？Grace表示會努力為兒子供書教學：「只係你唔好諗住父母會送層樓畀你囉，你自己要努力啲啦。」Victor：「你鋪排畀佢嘅路，其實佢係咪接受啦？我相信如果佢自己努力得到，會開心過我幫佢鋪排。」退休後，他們和兒子的關係也產生了微妙的變化：「我覺得佢哋會努力咗，其實畀啲信心佢哋，原來都大個仔喇。」
記者：陳麗賢 攝影：張柏基 剪接：魏利民
退休非一步登天 畢業至今「我哋收入會儲5成」
恩愛夫婦Grace和Victor看來是讓人羨慕的中產家庭，擁有自己物業，又育有兩個乖巧兒子。事實上，兩人一直為安穩生活下了許多苦功。Grace和Victor是大學電腦系同學，當其他同輩追求夢想時，他們笑言自己較實際：「我地以前邊科搵到食咪就揀邊科，邊有話你鍾意唔鍾意㗎。」
電腦不但撮合了他們，而且踏入千禧互聯網騰飛發展時代，兩人一畢業就順利加入銀行I.T部門，負責設立及管理資料庫。雖然不斷升職，但是兩人有共識要維持節儉淡泊的生活，尤其是儲蓄：「畢業至今，我哋會將每月收入5成儲起。」聽到數字覺得難度極高，不過Grace則說可由生活習慣做起：「如果你生活模式係環保嘅，基本上你唔會太過揮霍。」家中大部分電器使用超過十年，Victor甚至會自學維修；放假多數行山，因為健康又毋須花錢；一家人會去旅行，不過搭廉航和住平價旅館；電話用舊款，能夠與外界聯繫便可。
踏入人生下半場 由追求安穩到追求自我
拼搏多年，雖然終於達到理想的財政目標，但Victor卻感到遇上人生瓶頸位：「我做同一份工已經做足23年，如果我再做多10年、20年，做其他嘢嘅機會只會愈少。」直到有日，他看到一本書講「人生下半場」，聯想自己猶如足球員一樣，站在45分鐘中場休息點，是時候反思下半場踢法：「我想掌握番自己時間，學啲新嘢。」太太剛好瀏覽到一個講提早退休的網站，兩人一拍即合，決定於45歲齊齊「祼辭」，Grace：「我覺得退休唔代表咩都唔做，如果可以嘅話想貢獻吓社會。」
變導賞員 與漁民打交道
於是，辭職後兩人積極尋找義工工作，最後被「海洋公園 x信和集團黃金導賞員計劃」吸引，通過兩日培訓，於「海洋奇觀」等展館擔任導賞員，向旅客傳遞生態保育知識，Victor：「舊時你喺office見嚟見去都係嗰幾個人，講來講去都係相關系統裡面嘅。相比我地而家做導賞員，一日已經見好多人，可以同好多唔同人交流，聽到好多唔同故事。有時遇到啲舊時係打魚嘅，其實佢地好熟都會指出呢隻係咩魚。咁我就向佢哋請教。」兩人由沉默的I.T人變成開朗的導賞員，重新拾起課本學習，Victor為找到新方向感到興奮：「自己發覺離開舊時知識範疇，前路仲可以有好多生態嘅嘢可以學。」
鼓勵自立 拒絕養兒100歲
不過，他們的長子仍在讀大學一年級，次子則讀中學，在人人都講求「成功需父幹」年代，難道這對父母沒有壓力？Grace表示會努力為兒子供書教學：「只係你唔好諗住父母會送層樓畀你囉，你自己要努力啲啦。」Victor：「你鋪排畀佢嘅路，其實佢係咪接受啦？我相信如果佢自己努力得到，會開心過我幫佢鋪排。」退休後，他們和兒子的關係也產生了微妙的變化：「我覺得佢哋會努力咗，其實畀啲信心佢哋，原來都大個仔喇。」
留言 (0)
