周迅孖竇靖童返鄉下

【蘋果日報】周迅喺年初二返咗浙江衢州娘家過年，有網民喺微博貼相，目擊周迅身邊嘅唔係結婚3年幾嘅老公高聖遠，而係王菲個女竇靖童。當年周迅同李亞鵬因為合作《射鵰英雄傳》撻着，仲去到談婚論嫁階段，後嚟李亞鵬移情王菲，但最終亦都離婚收場，只不過童童同呢位前繼父關係一直都好好。雖然關係複雜，但冇影響周迅同童童呢段忘年友誼，連過年都要黐埋一齊玩。