【一周必看】單臂吊住危搭扶手電梯　瑞士花式滑雪隊堅搞鬼

【蘋果日報】【平昌冬奧】瑞士花式滑雪隊喺社交平台，就非常出位。繼早前上唧車衝斜坡擺咗上IG爆紅後，再獻新猷，直情用單手搭扶手電梯。


話說呢位選手叫法比安保斯（Fabian Bosch），今年只有20歲，係瑞士嘅花式滑雪隊成員。早兩日佢就同隊友模仿冬奧項目長雪撬，選手需要係衝刺前上橇嘅情況，用貨倉必備嘅唧車喺室內衝斜坡，似模似樣。今日保斯IG又有新嘢，只見佢企起扶手電梯旁邊，單臂搭住扶手，然後個人就慢慢跟住扶手電梯升咗上去，係半空只係靠臂力維持，最終仲成功到達上一層，非常犀利。不過都係嗰句，此表演經過長期專業訓練，屋企嘅小朋友行商場或者飲茶千祈咪亂學呀！