巴士司機遭三煞拖落車打一分鐘

【蘋果日報】50歲車長前晚駕駛一部九巴駛經上環途中，疑駛得太貼，驚嚇正在路中截乘的士之6名男子，他被人強行拖落車暴打近一分鐘，兇徒得手後逃去，車長遍體鱗傷送院，警方正追查兇徒下落，九巴對事件強烈譴責。


遇襲男子王文傑（50歲），全職九巴車長，入職5年。前晚11時許，王駕駛一部九巴905路線，由灣仔開往荔枝角，駛至上環干諾道西3號，數名男子在馬路中欲截乘的士，疑巴士太貼駛經受驚，其中兩男猛踢車身。


車長停車開門查看，一名男子突衝上來，將他拉落車，3人隨即對他拳打腳踢，乘客致電報警，兇徒得手後逃之夭夭。王報稱額頭、臉、鼻、嘴唇、下顎、胸口受傷，由救護車送院治理。


疑截的士不滿駛得貼

他事後對《蘋果》憶述，當時巴士駛經西港城對開，目睹5至6人站在馬路中，他形容恐怕繼續開行會碰撞到他們造成意外，於是停車，對方不停踢巴士車身，他停車打開上車車門，探頭問對方：「先生，你哋做乜事啊？」

未幾，他被人拖落車圍毆，「我初時諗住最多嘈交嘅箒，冇乜特別嘢嘅，點知唔為意，佢一上嚟一句聲都冇出，就扯住我件衫，拉咗我落路面，對我拳打腳踢！」

車長遭圍毆接近一分鐘，直至有乘客落車喝止，兇徒才作鳥獸散。王認為覺得對方似「飲醉酒」，直言「如果正常講道理，冇理由一句聲都唔出，就拉我落車打啦」，又指巴士「肯定冇撞到佢哋」，所以不明白為何他們會動手。


九巴表示強烈譴責襲擊事件，並會全力協助警方調查事件及提供適切的法律支援給予受傷同事，九巴亦會考慮向施襲者提出民事索償。此外，九巴員工協會副理事長郭偉光指出，暴力襲擊事件是一種情緒發洩，車長只是提供服務，而非製造是非或者引起不滿，施襲者卻將個人不滿或不快發洩在車長身上：「有啲打得好嚴重，傷晒入醫院，呢啲行為應該重判，否則社會十分混亂！」


■記者李家傑、張家豪