車房「小學雞」最愛靚仔

【蘋果日報】土瓜灣一間車房不時傳出有人呼喚「小學雞！肥雞！雞豬」，這隻雞的真身是一隻狗，當初無論主人叫甚麼名字都沒有反應，唯獨是聽到「小學雞」才懂得呆望主人。「佢係十月芥菜，最鍾意男人」，一般車房狗的警覺性甚高，但主人Eva形容這位狗店長返工時最愛媾仔，搖頭擺尾的樣子甚受街坊歡迎，牠不是看門狗，而是店公關，溫馴的形象令車房的剛陽味大減。
土瓜灣是車房集中地，不少車房都會養狗防賊，因車房零件貴，與海味店貨貴養貓防老鼠一樣。不過，炮仗街有一隻7歲的金毛尋回犬混邊界牧羊犬卻是另一形象。全身金色毛茸茸的小學雞，穿着主人親手車製的衣服，懶洋洋地趴在烏黑的車房外，路過的街坊都會停下來看一眼摸一下，牠不吠亦不跑，甚懂好客之道，「好多街坊先識小學雞，我哋先因而識街坊」。
小學雞於五個半月大時由Eva領養，每日跟着Eva到車房上班、入夜回家，成為這間車房的第5代狗店長。Eva一臉溺愛的樣子看着小學雞，笑說以前的小學雞蠢蠢呆呆，長大後活潑百厭，最愛男人，異性相吸不只對人，對狗亦如是，「望到靚仔就發姣！每當有女人摸完佢，佢眼尾見到旁邊嘅男友或者老公，要個男人摸佢，然後個女人嘅利用價值就會冇咗，係zero（零）」。
主人盼令怕狗人改觀
開朗活潑的小學雞亦曾經歷情緒低落的日子，牠曾與上一代狗店長「哥哥」一起生活，4年前哥哥離世後，牠一度抑鬱，「以前哥哥喺度時，所有女仔行近哥哥佢都唔友善，有機會係話畀其他女人知『我最靚』嘅心態」。後來小學雞慢慢接受了哥哥離世，反而變得比以前更精靈及饞嘴，「佢會偷嘢食，食晒一磅開心果，一盒豬肉紙，好為食」，亦因而發胖，多了一個乳名「肥雞」。
有人怕狗，見狗即走，Eva反而抱着理解的心，與小學雞一起擔當公關角色，「怕嘅人可能俾狗追過咬過，有心理陰影，如果佢哋明白狗係友善就會改觀」。她不時向路人說：「呢隻狗可以隨便摸，唔咬人。」小學雞毛茸茸的身體，儍呼呼的笑容，能夠令怕狗的人放下戒心，就是Eva最大的希望。