新聞類別
港聞
詳情#
【蘋果日報】九巴翻車19死大車禍，目前仍有23人留院，留醫5日的黃先生（42歲，圖）昨終可在年三十出院，趕及與家人吃團年飯及過新年，他形容今次意外「好恐怖」，但事件同時令他感悟到親情與友情可貴。
事隔5日，黃的傷痕仍清晰可見，他左邊頭部及左耳受傷須縫針，頭及耳留下多處疤痕，但他慶幸「執番條命」，「腰骨好似俾人打完，瞓一陣都好痠痛，冇力」。他指回想起意外時仍「好驚，好恐怖」。他憶述當時坐在巴士上層尾二排左邊座位，巴士掟彎時離心力強，感覺整個人「黐晒埋牆」，已預感不祥，車禍在瞬間發生，事後他掙扎站起來，摸摸頭發覺已血流披面。
被拋出車乘客：執番條命
恐怖車禍卻換來溫情一面，連日感受親友的關心，「呢幾日全家總動員嚟晒探我，佢哋好緊張，同事又嚟睇我」。他住大埔6層高的唐樓，因為受傷不方便上落，出院後會搬回媽媽家住一段時間，反而令他有更多時間陪伴家人。昨日他在醫院只吃了少許午餐，留肚回家食團年飯，農曆年間亦會在家中養傷。
另一名63歲傷者李先生，在意外中頭部重創，縫了50多針，尾龍骨摔傷，有機會壓到神經線致行動不便，未能回家過年。事發時他坐在上層最後排的中間座位，出事時沒扶手捉住，翻車一刻被拋出車外，暈倒30分鐘始清醒過來，「我叫救命呀，醫護人員幫我處理傷勢，將我送院」。李形容「執番條命」，「我左右隔籬嘅人都死晒，我有朋友坐係前面，佢哋就冇事」。
■記者黃麗英
事隔5日，黃的傷痕仍清晰可見，他左邊頭部及左耳受傷須縫針，頭及耳留下多處疤痕，但他慶幸「執番條命」，「腰骨好似俾人打完，瞓一陣都好痠痛，冇力」。他指回想起意外時仍「好驚，好恐怖」。他憶述當時坐在巴士上層尾二排左邊座位，巴士掟彎時離心力強，感覺整個人「黐晒埋牆」，已預感不祥，車禍在瞬間發生，事後他掙扎站起來，摸摸頭發覺已血流披面。
被拋出車乘客：執番條命
恐怖車禍卻換來溫情一面，連日感受親友的關心，「呢幾日全家總動員嚟晒探我，佢哋好緊張，同事又嚟睇我」。他住大埔6層高的唐樓，因為受傷不方便上落，出院後會搬回媽媽家住一段時間，反而令他有更多時間陪伴家人。昨日他在醫院只吃了少許午餐，留肚回家食團年飯，農曆年間亦會在家中養傷。
另一名63歲傷者李先生，在意外中頭部重創，縫了50多針，尾龍骨摔傷，有機會壓到神經線致行動不便，未能回家過年。事發時他坐在上層最後排的中間座位，出事時沒扶手捉住，翻車一刻被拋出車外，暈倒30分鐘始清醒過來，「我叫救命呀，醫護人員幫我處理傷勢，將我送院」。李形容「執番條命」，「我左右隔籬嘅人都死晒，我有朋友坐係前面，佢哋就冇事」。
■記者黃麗英
留言 (0)
