萌爆狗店長包辦保安公關店主︰3隻狗重要過生意

【蘋果日報】今年好狗衰狗都當上年度風雲動物了。香港明星狗固然多，但要數尋常百姓街坊街里中的好朋友，一定少不了一群狗店長。《蘋果》找來港九新界的狗店長，由主人講牠們的故事，有狗店長扮演公關角色，有狗店長當保安，都為店舖老闆和顧客增添樂趣。
記者︰梁佩珊
有些商舖店主擔心影響生意，不會帶愛犬到舖頭。但銅鑼灣這間樓上漫畫店，一養就養了3隻唐狗，未推開門口未按門鈴，只要有人站在門外，三狗已立即吠，履行一貫警覺性高的唐狗風格，「生意係會有影響，惟有放棄佢哋（客人），係要有取捨嘅，我愛3隻狗吖嘛」，主人JJ（圖）說。
走入店中，3隻唐狗知道訪客沒有惡意，便會立即安靜，「其實唐狗好可愛，我開始鍾意狗係唐狗，第一次養狗都係唐狗，佢哋係第一代狗店長」。3隻唐狗都是從不同地方領養而來，分別是親人友善的Money、警覺性強的Coffee、敏感怕人的珍珠，「佢哋搵唔到主人，所以我因緣巧合地要咗」。
「養狗唔一定要名種」
9歲Money是她養的第一隻狗，當時覺得不應該用錢買狗，走到愛協看狗，「9年前好少人鍾意唐狗，我覺得養狗唔一定要養名種狗，要畀唐狗一個機會」。Money令JJ從此愛上唐狗，後來分別在山區及車房救出Coffee及珍珠。3隻唐狗每日跟着JJ從家中行到漫畫店上班，吸引漫畫店拍檔SY亦舉手成為牠們的二號主人。
「有啲客驚佢哋3個，惟有門外交收漫畫，唔會好擔心生意上嘅影響，因為3隻狗重要過間舖」，JJ說。其實除卻少了怕狗的客人，同時多了愛狗的客人，「有啲客屋企唔可以養狗，真係會嚟呢度玩狗」。
有些人不只怕狗，尤其怕唐狗，「小強（蟑螂）細隻過我哋咁多，仲要肯定唔會咬我，我見到小強都驚啦，人哋驚咁大隻狗可以理解，正常過我，我驚咁細隻小強仲過份啦」。拍檔SY嘗試理解怕狗的人，她說狗與人應要共存，即使觀察公園對狗隻的開放程度，已見港人「人類係大晒」的意識，「唔理解狗，唔認識唐狗，怕都算了，就算怕狗，都唔好傷害佢哋」。
「最唔開心見到佢哋3隻病，我自己病都唔會即時睇醫生，佢哋病慘過自己病」，屋苑不能養狗的SY，只能與拍檔JJ「共養」3隻唐狗。
「我以前係一個生活淨係shopping嘅人，狗喺我人生出現後，我嘅生活係同佢哋行山游水，一星期行山3次，生活唔同晒」，JJ養狗後，生活出現她意想不到的改變。如果沒有了狗，她過的或是另一種人生。