男上司買花送畀秘書？小心老婆嬲豬

【蘋果日報】昨日是情人節，旺角花墟人頭湧湧。不少男士一早來到花墟買花，藉花束向另一半表達愛意。有花店表示今年情人的節因與農曆新年重疊，在人手和舖面限制下，花束的製作量較往年少約一半，預料生意額會較往年減少。


繽紛園藝有限公司品牌經理吳綺菁表示，今年新年適逢情人節，店舖要兼顧年花銷售，舖面擺放位置和製作款式亦減少，「舖面擺放位置細咗三分之一，款式都由舊年30幾款，減到18款」。


她又指，由於來貨價上升，今年整體售價上升幾個百分比，每束花售價大約1,000元至2,000多元，「年花同情人節撞，花價都會貴少少」。


她表示，今年情人節最暢銷都是玫瑰，「藍色玫瑰都幾好賣，好多人覺得呢隻色好特別，雖然價錢喺最貴2,680蚊，但已經賣左80%」。提到今年接到的最大訂單，她指是一個過萬元訂單，預訂108枝玫瑰來求婚。


另一花店，花粉熱鮮花禮品有限公司負責人阿詩表示，今年的市道與往年相若，沒有受農年新年影響，「我哋有一班好穩定嘅客人，淨喺做預訂，我哋都做通宵。」她指今年售價沒有增加，預計銷售量和生意額與往年相若。