「巴膠」車長即刪fb賬戶

【蘋果日報】目前仍被警方扣留調查姓陳的九巴車長（30歲)，有可能面臨被控誤殺罪名，闖下大禍的他，以沉默應對警方的調查，除了聘請律師，並且為防遭人起底，事後極速刪除自己的fb賬戶，及退出多個巴士迷及九巴車長WhatApp群組。


家人：都係睇新聞先知

陳與家人住大圍嘉田苑，記者昨日到陳家查問有關車長事宜，應門的一位估計是陳母的婦人表示：「佢（車長）所有事我哋都係睇新聞先知！」其後關門拒絕回應。


陳是巴士迷，活躍於多個網上巴士討論區，他早前購入一駕舊式的「熱狗」巴士，更以其英文名命名，其私人巴士原本停泊在屯門紫田村一個空地，記者昨日到現場了解時，發現上址泊有20多部私人巴士。據悉，該空地專租給巴士迷泊車，陳疑與其他巴士迷不和，又不滿租貴，約3個月前將自己的「熱狗」巴士改泊到流浮山另一處。


他facebook自我介紹稱「冇樣、冇身材、冇車、冇樓，有信用卡，月入唔過兩萬」不時上載與巴士合照，他在巴士迷界頗出名，但肇禍後，「巴膠」大都對他避之則吉，尤其是意外發生後不但未有參與救人，反而在Whatsapp群組留言「唔使幫我賣廣告，聽朝會報紙A1」惹來眾怒，原本認識他的人都拒絕談論其事情。


■記者張家豪