有人支持謝　有人諷扮專家

【蘋果日報】謝安琪流感論引起全城熱議，有網民力撐謝安琪，指「打咗疫苗得嘅話，依家流感就唔使不受控制，迅速蔓延啦」；不過也有網民斥謝「扮專家」，指流感未必死人，但「無知就會死好多人」，更諷刺支持其言論的人士，「日後有病唔使睇醫生，睇謝安琪演唱會就得」。


「有病睇謝安琪演唱會就得」

網上有不少言論力撐謝安琪的流感論，指「唔信政府」，又認為在私人群組內講沒有問題，「信咪信，唔信咪算囉」；也有人稱「我對疫苗總抱懷疑態度，我寧願多飲中藥作預防」。而網上論壇Baby Kingdom也有網民發帖，標題名為「唔好亂打流感疫苗」，聲言「疫苗含高水銀，重金屬及其他大量毒素，佢嘅"副作用"比保護能力大好多」、「其實我認識嘅醫護人員佢哋同自己屋企人都唔會打！」有網民隨即回帖，質疑散播謠言，「咁樣散播不實謠言有冇任何刑事責任？」


另網民直斥謝安琪「扮專家」，其言論反醫學根據而行，直言「流感未必死人，無知就會死好多人」，甚至諷刺支持其言論的人士，「日後有病唔使睇醫生，睇謝安琪演唱會就得」。


■記者譚靜雯