新聞類別
娛樂
詳情#
【蘋果日報】現年31歲的吳雨霏（Kary）前年經歷小產之痛，跟老公洪立熙（Brian）攜手走過陰霾，黑暗過後，黎明終於來臨！昨日Kary在社交網貼大肚相公佈喜訊：「一切美好的賞賜和各樣完美的恩賜，都是從上面、從眾光之父降下來的。雅各書1:17，我們要當爸爸媽媽了！謝謝大家的祝福！」
享受過程
相中的Kary着背心仔晒凸肚，跟老公甜蜜對望，兩人雙手互握幸福放閃，愛犬都抬頭望着女主人，溫馨滿瀉，網友紛紛留言祝福。Kary所屬環球唱片回應：「Kary依家懷孕近5個月，佢同Brian心情都好開心好興奮！跟住呢幾個月Kary會好好養胎。公司上下也非常開心，會全面配合，希望未來幾個月可以給予Kary空間，好好享受這懷孕過程！」
組合Cookies出身的Kary，拆夥後仍跟隊友情同姊妹，鄧麗欣在電話祝賀：「係呀，知道Kary有咗，好開心，我都係比大家早少少知，我都唔係好早知道，因為我哋一路都冇時間見面，佢話想親口同我哋講，依家知道同埋公佈咗，好開心，好戥佢開心，同埋好想快啲見到佢，好想摸吓佢個肚，希望佢開開心心咁安胎。」區文詩則表示：「恭喜！恭喜！」
Miki祝福
至於傳踢爆Kary小產令姊妹情緣盡的楊愛瑾（Miki），昨大方回覆：「恭喜Kary！都係嗰句啦，祝佢幸福快樂，一家人都健健康康！」當日Kary怒刪兩人合照割席，惟Miki否認有出賣姊妹。好友馬天佑昨出席茶餐廳開幕表示：「守咗呢個秘密一段時間，最近都有約見面，覺得Kary係一位懷孕都可以有腹肌嘅女神。」
採訪：皓騫
回應 (0)
