新聞類別
財經
詳情#
【蘋果日報】人稱「水哥」嘅恒生銀行（011）傳訊及可持續發展總監張樹槐，鍾意跑步就唔多講，今次仲「跑」入中大傳遞馬拉松精神！水哥舊年出版咗《跑出一片天》一書，分享自己過去15年參加馬拉松、長跑、毅行嘅經歷，仲因而遇上好多知音人，其中一位就係前中大校長沈祖堯教授喇。
噚日中大博群計劃（I·CARE Programme）邀請水哥，以「由67個馬拉松說起」為題，同師生分享長跑人生的感悟，而負責主導博群計劃的沈祖堯亦係聽眾之一。
點解題目要叫「67個馬拉松說起」？皆因水哥已經大大話話跑咗67場馬拉松，咁啱沈祖堯教授都好鍾意跑步，舊年仲曾經率領中大師生參加「香港馬拉松」的10公里賽事。再加埋前香港馬拉松一姐周子雁做主持，幾位跑得之人聚首，一定「好長氣」。
而水哥自從出版《跑》一書之後，可以話忙到甩轆，忙住四出各大專院校、團契做分享，不過最有意思係佢無私分享自己嘅人生睇法、發放正能量，啟發多啲年輕人挑戰自我，積極過人生嘛！
李華華
LiWaWa@AppleDaily.com
噚日中大博群計劃（I·CARE Programme）邀請水哥，以「由67個馬拉松說起」為題，同師生分享長跑人生的感悟，而負責主導博群計劃的沈祖堯亦係聽眾之一。
點解題目要叫「67個馬拉松說起」？皆因水哥已經大大話話跑咗67場馬拉松，咁啱沈祖堯教授都好鍾意跑步，舊年仲曾經率領中大師生參加「香港馬拉松」的10公里賽事。再加埋前香港馬拉松一姐周子雁做主持，幾位跑得之人聚首，一定「好長氣」。
而水哥自從出版《跑》一書之後，可以話忙到甩轆，忙住四出各大專院校、團契做分享，不過最有意思係佢無私分享自己嘅人生睇法、發放正能量，啟發多啲年輕人挑戰自我，積極過人生嘛！
李華華
LiWaWa@AppleDaily.com
留言 (0)
