稱盡快決定是否檢控佔中者

【蘋果日報】在僭建醜聞中首度出席立法會司法及法律事務委員會的鄭若驊，雖然面對民主派追擊，但亦有建制派護航，民建聯葛珮帆則重提佔中運動事發至今多名搞手未被起訴，鄭若驊透露會盡快決定是否檢控佔中相關人士。
拒透露「點解拖咁耐」
葛珮帆會上提問佔中跟進：「到底法律面前係咪人人平等，係咪有啲學者、議員、傳媒大亨有特權唔能夠告呢？點解仲有咁多人不被起訴？」鄭若驊回應指律政司決定是否檢控時，會視乎法律、證據、檢控守則，「有時候決定容易做，有時候好難做」，稱會盡快作出決定，重申沒有任何人享有特權，「無論佢係大亨、小市民、任何政府官員議員，都係受同一個客觀法律嚟分析」。
不過，葛珮帆似乎不滿回覆，續追問指：「嗰啲大叫『違法佔中』嘅人士拖咗3年幾仍未起訴，你有冇了解過？」
鄭強調不能透露「點解拖咁耐」，只稱：「我係注意到個時間，因為有唔同人向我提到呢一點，我係會盡快睇吓件事點樣。」
■記者呂浩然