新聞類別
財經
詳情#
【蘋果日報】由前港姐袁彌明（Erica）創辦嘅彌明生活百貨（8473），今日起招股，噚日Erica就同家姐袁彌望（Mimi）兩姊妹一齊出席記者會，原來公司係9年前由二人一齊成立，係佢哋第一份一齊做嘅「功課」。
Mimi話，今次都係第一次同細妹拍住上搞生意，兒時做功課都唔會一齊做。佢仲話，自己同妹妹性格唔同，佢比較鍾意「做悶嘢、做內部嘢」，所以目前佢除咗會睇住公司盤數之外，仲會管理人力資源，至於有趣啲嘅marketing，就留畀Erica處理，Mimi目前係公司執行董事。
今年44歲嘅Mimi，擁有美國東北大學理學及工商管理雙碩士學位，亦喺美容、化妝等行業有9年經驗。
比佢細7年嘅Erica，噚日亦分享佢同家姐9年前創辦公司嘅歷程，講到自己以前做代購時，要喺coffee shop交收，慢慢建立成今日有9間專門店嘅公司，佢忍唔住「Sales上身」，逐一介紹公司product，由功效到點用都十分熟悉。佢又話，未來會同家姐「一外一內」做好生意，佢主要負責公司市場推廣等，亦會繼續拍片做推廣。
李華華
LiWaWa@AppleDaily.com
Mimi話，今次都係第一次同細妹拍住上搞生意，兒時做功課都唔會一齊做。佢仲話，自己同妹妹性格唔同，佢比較鍾意「做悶嘢、做內部嘢」，所以目前佢除咗會睇住公司盤數之外，仲會管理人力資源，至於有趣啲嘅marketing，就留畀Erica處理，Mimi目前係公司執行董事。
今年44歲嘅Mimi，擁有美國東北大學理學及工商管理雙碩士學位，亦喺美容、化妝等行業有9年經驗。
比佢細7年嘅Erica，噚日亦分享佢同家姐9年前創辦公司嘅歷程，講到自己以前做代購時，要喺coffee shop交收，慢慢建立成今日有9間專門店嘅公司，佢忍唔住「Sales上身」，逐一介紹公司product，由功效到點用都十分熟悉。佢又話，未來會同家姐「一外一內」做好生意，佢主要負責公司市場推廣等，亦會繼續拍片做推廣。
李華華
LiWaWa@AppleDaily.com
留言 (0)
