奇景！花園街時裝店「爆漿」出門口

【蘋果日報】旺角花園街，昨午5時許，一間時裝店驚現「泥石流」！大量石屎漿不斷由時裝店背後一幅外牆的罅隙湧出，沿地板湧向舖面及門口，更流出行人路。其間職員見狀大驚，高呼：「快啲走呀！」店內顧客慌忙走出店外躲避。讀者蘇小姐當時在店內買衫，聽到職員呼叫，赫見石屎漿已流到腳邊，她形容：「(石屎漿)流得好快，好似間舖會冧咁！」
現場是旺角太子道西177號，警員到場調查，證實是時裝店背後一個地盤正進行灌漿工程，石屎漿由地盤湧向時裝店。事後地盤工人暫停工程，協助時裝店清理，負責人苦訴損失慘重。
事發時時裝店的老闆梁先生不在店內，他收到職員通知，連忙趕回店舖了解。他一臉無奈稱：「啲石屎漿湧出嚟湧得好急，(時裝店)幅磚牆都穿咗，磚都沖埋出嚟，唔夠兩分鐘啲石屎漿已經湧過舖面，出咗行人路。」
他直言損失慘重，尤其近新年旺季，「裝修、貨錢我諗都要6位數字，仲要損失咗做生意嘅時間！」時裝店女職員亦說，事發時「啲石屎漿沖出嚟，啲客都走晒」。
《蘋果》現場所見，涉事時裝店背後是建築地盤，據知正進行起樓工程，事發時地盤外泊了泥頭車，工人進行灌漿工程將石屎灌入地盤，期間石屎漿由時裝店背後的牆身湧到店內。事後工人圍封時裝店外行人路，協助時裝佔清理石屎漿。
事件中幸無人受傷，屋宇署亦派員到場了解，證實涉事外牆非主力牆，未有構成即時危險。