中環在線：富衛搵黎志偉做分享

【蘋果日報】富衛保險尋日搵嚟首位成功坐在輪椅爬上了獅子山、有「包山王」之稱嘅黎志偉做分享。黎志偉曾經係長洲搶包山冠軍，仲係知名攀石專家，但一次車禍導致下半身癱瘓。
講起當年入院留醫3個月做多次手術，黎志偉話太太當時仲陀緊7個月BB，真係好大經濟負擔。加上後生時候覺得自己上天下海都無事，完全無買保險，點估到出事之後仲要賣車賣樓先可以應付咁大開支。
富衛最近推咗隻新危疾保，就算係未知疾病，又或者好似黎志偉個Case咁，因為意外導致嚴重影響日常生活，都可以獲賠償。不過，一般危疾保不保事項，包括愛滋病、精神問題等，富衛保單同樣不保。
因為保單罕有地無限制受保疾病數目，所以保費都唔平，以投保額100萬元，30歲男性投保人為例，每年保費要6,000元。
李華華
LiWaWa@AppleDaily.com