TF GYM結業　同行送3個月試玩吸客

【蘋果日報】位於旺角栢裕商業中心的TF GYM，昨日仍然未見負責人出現，中心內的電話響不停，但無人接聽。中心鐵閘貼有三張通告，其中一張為道歉啟示，指與另一健身中心「Goji Studios」達成協議，客戶憑會員卡或協議書登記，可於Goji Studios免費試玩三個月。另外兩張為Goji Studios的宣傳單張。
不少客戶上門查詢，但也「摸門釘」。其中一名女顧客指，去年9月支費1.5萬元簽約，「簽3年約呀，佢(職員)仲話呢度唔執㗎喎！」雖然可免費轉會試玩3個月，她也不感興趣，「有咩用呀免費上堂？」她表示朋友亦曾遇類似情況，認為健身室「信唔過」不會再參加。
另外，何女士的兒子去年9月付4,000元入會，職員推銷多付2,000元延續至1年會籍。當時何女士已勸止，「呢啲唔知會唔會走佬嘛，點知就講中咗。阿仔仲話邊會呀，明星都喺度玩」。對於試玩安排，何女士同樣不滿意：「咁安排都唔係著數啦，追討到梗係追討。」
有逾30年歷史的TF GYM，被指於剛過去的聖誕和元旦仍推出優惠吸客，有新客剛簽下3年合約，但「玩咗2日」就驚見中心倒閉。有中心員工亦無收到消息，前日上班時才驚覺「冇嘢做喇、失業呀！」
而海關表示截止昨午5時，共接獲36宗有關TF GYM的舉報，海關已調動人手加快處理舉報個案，如發現涉及違反《商品說明條例》，會採取適當行動。