新聞類別
財經
詳情#
【蘋果日報】建行（939）上年9月至12月，就好似食咗豬油膏咁，係6.5元至7元徘徊多次，短炒確實幾好玩！不過蟹貨清得七七八八，一個月前建行終於發力，希望大家都有坐定定！
上年7月買入建行只係6元，本身目標價7元，曾經被朋友恥笑等恒指28000點可以到價，估唔到到價完仲可以玩多幾轉。
隨着港股進入牛三，噚日創出收市新高，建行、滙控（005）今次升勢仍然有貨，pat pat簡直係前所未有咁定！睇返蟹貨表，建行頂頭蟹貨真真無咩，股價亦都靚仔企硬喺多條平均線上面，平衡力睇落唔錯，未見有踩鋼線咁左搖右擺，喺港股強勢之下，相信仲有力水。
「牛三莫估頂」，港交所（388）喺陸金所嘅美夢下，相信短期300蚊在望，有貨大家記得坐定定啦！不過，前面就係港交所歷史高位311.4元，係2015年5月底嘅高位阻力，希望港交所同港股行得快少少，農曆新年大家holiday mood殺到，都期望早日過返個肥仔年！
Melody
上年7月買入建行只係6元，本身目標價7元，曾經被朋友恥笑等恒指28000點可以到價，估唔到到價完仲可以玩多幾轉。
隨着港股進入牛三，噚日創出收市新高，建行、滙控（005）今次升勢仍然有貨，pat pat簡直係前所未有咁定！睇返蟹貨表，建行頂頭蟹貨真真無咩，股價亦都靚仔企硬喺多條平均線上面，平衡力睇落唔錯，未見有踩鋼線咁左搖右擺，喺港股強勢之下，相信仲有力水。
「牛三莫估頂」，港交所（388）喺陸金所嘅美夢下，相信短期300蚊在望，有貨大家記得坐定定啦！不過，前面就係港交所歷史高位311.4元，係2015年5月底嘅高位阻力，希望港交所同港股行得快少少，農曆新年大家holiday mood殺到，都期望早日過返個肥仔年！
Melody
留言 (0)
