梁志堅續看好豪宅市場

【蘋果日報】九倉（004）母公司會德豐（020）副主席梁志堅今年初開腔睇好今年樓市，預期整體升幅5%至10%，其中尤其睇好豪宅市場，甚至豪言「貴買貴賣，有市唔怕地價貴」，相信系內山頂Mount Nicholson呎價會再創新高，主要由於資金充裕，相信豪宅需求仍在。
很滿意Mount Nicholson
梁志堅昨日接受本報訪問中談及樓市走勢，維持看好的睇法，對於市場有何不利因素，坦言「好難講」，他稱：「始終睇到個需求仲喺度，尤其豪宅。」他稱，集團一直關注九龍區豪宅市場，九龍塘對上兩幅地皮均有入標，惟未能投得。豪宅發展方面，他很滿意同系山頂Mount Nicholson，並謂：「我講來講去，我哋嘅豪宅同人哋叫嘅豪宅唔同，我哋起嘅豪宅係真係要有個豪宅嘅規範喺度，我哋已經起咗個（Mount Nicholson）來俾人睇！」
他早前已對今年樓市表態，整體升幅5%至10%，豪宅升幅不會差過上車盤，預料升幅超過10%，畢竟本港資金仍然充裕，「好多想投資，有啲亦買來自己住。」
近年不只中資湧港，還包括外資，如美國、加拿大等，「世界各地對香港睇法唔同咗，外資好多租緊香港嘅地方，現時好多諗住買返物業，佢哋發覺十幾廿年後，查實畀租都冇咗。」