秋官攬阿姐甩唔到

【蘋果日報】鄭少秋（秋官）及汪明荃（阿姐）昨日在跑馬地馬場出席「農曆新年賽馬日」記者會，秋官表示：「我哋係鑽石組合，甩唔到。」二人在台上默契十足，一唱一和，秋官更搭着阿姐的腰部。
在台下阿姐蹺着秋官手臂做訪問，阿姐說：「馬會係第一次，平時新年都會唱吓。」秋官大賣口乖，讚阿姐既是博士，又有輝煌歷史，但阿姐笑言全都沒錢收，秋官說：「好難得，呢種榮耀係無價，有精力，乜都做到。」阿姐笑指自己辛勞命，不及秋官有賢內助打點一切。他們表示新年都會小賭怡情，秋官說：「我都好鍾意新年，有幾日假期，可以同屋企人玩吓，小賭怡情。」此外，對於鄺美雲當選港區全國人大代表，阿姐笑言沒有事要提點，對方很叻又硬淨。
採訪：黃曉妍
攝影：陳俊強