昔日性感女神雛形明子再婚5年　老公珍藏愛妻水着精品

【蘋果日報】日本昔日性感女神雛形明子於2013年嫁人，當時佢同拍拖4年半嘅《幪面超人劍》男星天野浩成結為夫妻，為雛形展開第二段婚姻。
39歲嘅雛形明子早於98年嫁廣告導演山本一磨，2000年誕下一女兒，可惜二人喺03年離婚收場，繼而再婚嫁同年紀嘅天野浩成。結婚將滿五年，天野浩成同雛形依然恩愛，昨日更孖住亮相節目放閃，並在螢幕前公開愛巢，發現天野浩成有鋪收藏老婆精品嘅喜好，當中包括雛形全盛時期推出嘅水着錄影帶、DVD、閃卡、電話卡及寫真集等，連攬枕都有，被主持問到最鍾情邊樣時，佢即話：「攬枕！」被問到係咪真人好攬啲？天野浩成即笑到見牙唔見眼咁話：「係呀！」冧得老婆不禁甜笑。