新聞類別
港聞
詳情#
【蘋果日報】36歲的岑幸富2003年因車禍失去左臂，卻因而換來比健全時更完整的世界。10年內多次打破獨臂限制學拉小提琴及游泳，全因遇上令他重拾人生目標的太太，「發生意外後覺得人生玩完，但遇到佢覺得瞬間成為人生勝利組」。太太阿玲嫁給阿富時只有19歲，丈夫截肢卻能突破身體局限，「佢喺身邊係畀到動力自己」。
記者：梁佩珊
二人相識於10年前，拍拖一年便結婚，引來阿玲家人大力反對，「只有19歲的女孩嫁予傷殘人士」、「會唔會要你照顧番佢轉頭」成為魔咒，但阿玲從不理會旁人目光，「見到佢嘅第一個感覺係好正常，冇介懷，冇避開，同正常人冇乜分別」，阿富是她認識的首名傷殘人士。
拍拖初期，阿富帶阿玲去攀石和射箭，刻意去營造「正常」，「我就係知自己做唔到，佢揀咗個傷殘人士做男朋友，我心裏覺得一定要對佢好好，盡自己能力，將最好嘅畀佢」。結婚擺酒當日，阿富亦因自卑感，未有與家人一起向親友祝酒。事後外母亦跟他說，「如果有邊個睇你唔起，夠膽講你半句，我哋完全唔需要理會」，這句話意味着外母一家早已接受他。
連阿富的家人都擔心他沒有自我照料的能力，更遑論照顧太太和女兒，他卻令眾人跌眼鏡。阿玲如常着他處理一切換燈泡、通坑渠等日常家務，不會覺得丈夫是傷殘人士而「就住就住」。
阿富發生意外之後頓失自信，遇上阿玲卻成為他的最強後盾，令他重拾目標，比斷臂前的生活更加豐富。
阿富訪問對答流暢得猶如錄音機，細問下原來他因不凡的經歷，不時被邀請到處演講，「冇自信、好自卑，阿玲鼓勵我突破『冇咗隻手就乜都做唔到』嘅思考框架，不停試唔同嘅新嘢」，一隻手踩單車、打乒乓球，從來不懂的游泳與音樂，由零學起，成為首名完成三項鐵人賽的截肢者。
曾憂女兒不懂應對社會目光
最經典的例子，阿富想練習單手打乒乓球，阿玲得知後，買了數百個乒乓球給阿富，「我當初見佢冇咗人生目標，買畀佢練，因為見到佢得一隻手，要執波會好麻煩，就買咗幾百個波畀佢，等佢打完先一次過執」。
二人於兩年前誕下了女兒芷渝，阿富曾經擔心小女孩長大後不懂得應對社會的目光，盡量抽時間與女兒甚麼都玩，就是為了讓女兒知道，就算爸爸失去了一隻手，依然可以帶着她到處去玩樂，與一般的爸爸沒有分別。
攝記叫小女孩餵爸爸吃一粒糖，小女孩手執3粒糖，餵完爸媽後，問最後一粒可否送給記者姐姐或攝記哥哥，她聽到後急不及待把糖放進自己口中，引來全屋發笑，精靈可愛的女兒是兩口子最感恩的禮物。
記者：梁佩珊
二人相識於10年前，拍拖一年便結婚，引來阿玲家人大力反對，「只有19歲的女孩嫁予傷殘人士」、「會唔會要你照顧番佢轉頭」成為魔咒，但阿玲從不理會旁人目光，「見到佢嘅第一個感覺係好正常，冇介懷，冇避開，同正常人冇乜分別」，阿富是她認識的首名傷殘人士。
拍拖初期，阿富帶阿玲去攀石和射箭，刻意去營造「正常」，「我就係知自己做唔到，佢揀咗個傷殘人士做男朋友，我心裏覺得一定要對佢好好，盡自己能力，將最好嘅畀佢」。結婚擺酒當日，阿富亦因自卑感，未有與家人一起向親友祝酒。事後外母亦跟他說，「如果有邊個睇你唔起，夠膽講你半句，我哋完全唔需要理會」，這句話意味着外母一家早已接受他。
連阿富的家人都擔心他沒有自我照料的能力，更遑論照顧太太和女兒，他卻令眾人跌眼鏡。阿玲如常着他處理一切換燈泡、通坑渠等日常家務，不會覺得丈夫是傷殘人士而「就住就住」。
阿富發生意外之後頓失自信，遇上阿玲卻成為他的最強後盾，令他重拾目標，比斷臂前的生活更加豐富。
阿富訪問對答流暢得猶如錄音機，細問下原來他因不凡的經歷，不時被邀請到處演講，「冇自信、好自卑，阿玲鼓勵我突破『冇咗隻手就乜都做唔到』嘅思考框架，不停試唔同嘅新嘢」，一隻手踩單車、打乒乓球，從來不懂的游泳與音樂，由零學起，成為首名完成三項鐵人賽的截肢者。
曾憂女兒不懂應對社會目光
最經典的例子，阿富想練習單手打乒乓球，阿玲得知後，買了數百個乒乓球給阿富，「我當初見佢冇咗人生目標，買畀佢練，因為見到佢得一隻手，要執波會好麻煩，就買咗幾百個波畀佢，等佢打完先一次過執」。
二人於兩年前誕下了女兒芷渝，阿富曾經擔心小女孩長大後不懂得應對社會的目光，盡量抽時間與女兒甚麼都玩，就是為了讓女兒知道，就算爸爸失去了一隻手，依然可以帶着她到處去玩樂，與一般的爸爸沒有分別。
攝記叫小女孩餵爸爸吃一粒糖，小女孩手執3粒糖，餵完爸媽後，問最後一粒可否送給記者姐姐或攝記哥哥，她聽到後急不及待把糖放進自己口中，引來全屋發笑，精靈可愛的女兒是兩口子最感恩的禮物。
留言 (0)
