灣仔街市現H5N6　市民：過年唔食雞

【蘋果日報】灣仔道街市活雞檔砧板及冰鮮鴨表皮發現微量H5N6禽流感病毒，食物及衞生局局長陳肇始表示，本個案對人類的風險極低，市民不需要憂心。不過昨日到灣仔買餸的主婦則表示，擔心感染禽流感，暫時不會吃雞，甚至下個月農曆新年也不會劏雞。
陳肇始：傳染人類風險極低
陳肇始昨日出席漁農嘉年華時表示，活雞店驗出微量的H5N6病毒後，食環署已立刻提醒街市檔主，要特別留意攤檔的清潔和清洗，現時有既定機制要「日日清」。她指出，今次是在冰鮮禽鳥表皮上驗到病毒，局方跟專家開會後，認為傳給人類的風險極低，所以市民不需要在這階段憂心。
驗出病毒的是灣仔道新生肉食公司，該店昨日如常營業，並有活雞出售，不少客人光顧。店員在較少客人時，用水沖灑雞籠及地面，惟拒絕回應砧板被驗出禽流感一事，稱「已經過咗去」。
昨晨到灣仔買餸的主婦黃太說：「頭先我都特登睇吓邊間係新生，始終係消費者。」她表示較緊張禽流感疫情，過年時會避免食雞，「都驚㗎，依家都少食（雞）。同埋一定會蒸得熟啲，見到血我唔食，緊張健康嘛」。
她又說，買雞時亦會選擇較有信心的雞種，「嘉美雞嗰啲，喺香港信譽好啲」。
另一主婦黃女士則指，平日無光顧新生，但最近也會避免食雞，「梗係唔食住，禽流感咁厲害，等過咗先食，食都係食冰鮮」。
對於農曆新年將至，或會以其他餸菜代替雞，黃女士表示「食少一味唔緊要。（預計今年過年唔食雞？）慣咗啦香港地」。姚太則認為，過年雞價較平日貴，現時驗出禽流感病毒，更影響過年食雞意欲，「驚（禽流感）㗎，有事咪唔食囉。同埋驚影響小朋友，要安全嘛」。
■記者李詠希