收工男叫開公民廣場？反撃譚耀宗靠劉細良

【蘋果日報】公民廣場去年年尾「重開」，平日朝6晚11開放，恢復作為政府總部的車輛通道及上落客地點，以及訪客及職員的通道，遊行或集會須先向行政署申請並只限於星期日及公眾假期。港台節目《城市論壇》今午首度移師至公民廣場舉行，節目甫開始已充滿火藥味，全國政協委員譚耀宗指，「呢度唔係公民廣場，係政府東翼入口，俾車出入嘅。有限度開放作為通道出入係好嘅」，即被台下噓爆。
香港眾志主席羅冠聰指，所謂重開公民廣場是言過其實，「市民都無辦法有自由咁入嚟進行政治示威，圍欄全部都係封死晒。要真正重開，就應該拆晒啲圍欄」。
中央政策組前顧問劉細良則批評，當年圍封公民廣場，時任政務司司長林鄭月娥亦有份作決定，諷刺林鄭現時重開公民廣場，「有咩比（前特首）梁振英好？就係扮開放」。