陳弘毅：陰謀論睇一地兩檢係屈中央

【蘋果日報】港大法律學院教授兼基本法委員會委員陳弘毅昨指，人大常委是基於一地兩檢的需要而作出「一個最低限度嘅法律安排」，決定是出於「善意」，認為若將此安排理解為一個心存不軌、惡意的行為，「呢個絕對絕對係對中央方面有關人士嘅一個非常之無禮貌，即係屈佢哋」。
指內地專家出於善意
陳弘毅昨出席商台節目時指，內地專家學者花了不少力氣和心思，基於善意作出一地兩檢的決定，安排亦是最符合《基本法》：「如果佢哋受到咁嘅指摘，你可以諗吓佢哋感覺係點。」他認為，有人認為中央今次的安排，是為日後對本港甚至本港法制做一些不利的事情鋪路，「任何呢類陰謀論對香港、或者對香港同內地嘅關係絕對有害無益」。
陳弘毅指，法律到最後也是由人起草、由人執行，所有政策也是由人決定，若香港人如此對內地的專家學者抱有陰謀論，只會令中港關係更差：「佢哋會點樣睇我哋香港呢？所以我覺得呢個係惡性循環，令一國兩制情況越來越差，最後責任係我哋香港造成惡性循環嘅人士。」
他舉例指，若香港沒有發生佔領運動，人大就香港的政改決定或稍為寬鬆，又例如香港沒有人提倡港獨、這些人士不在立法會作出偏離法律要求的宣誓，人大也不會就宣誓一事釋法。
陳弘毅指，一地兩檢並非涉及國防、外交，而是出入境管制事務，屬香港高度自治範圍的事務，因此《基本法》第18條（全國性法律除列入附件三不適用於香港）並不適用，他又指若立法會最終不通過一地兩檢本地立法的草案，西九站便不會有一地兩檢安排。
■記者姚國雄