湯家驊轟公會聲明結論極端

【蘋果日報】昔日反對一地兩檢的行會成員湯家驊，如今支持一地兩檢，他昨稱自己以往對一地兩檢看法「唔係好強烈」，曾任大律師公會主席的他批評，公會日前發表一地兩檢聲明中字眼令他感慨，指用字近乎政治口號，結論極端。
「用字近乎政治口號」
湯昨出席商台節目時指，有人問他是否因為做了行會成員就支持一地兩檢：「問我呢啲問題嘅人，相信唔係太認識我嘅性格，我嘅性格係遇到一啲我認為唔係好合理嘅事，我就會據理力爭，呢個同我係咪行會成員完全無關係。」
湯家驊又炮轟大律師公會最近反對一地兩檢的聲明，引述該份聲明提到在任何正常解讀下，一地兩檢均違反《基本法》第18條，但湯指這是非常極端的結論，「如果你（公會）係用好簡單嘅、近乎政治口號式嘅解讀方法作出極端結論，對整件事有冇幫助、對香港人對呢件事嘅理解程度有冇增加咗，我係有少少疑問」。
8年前任立法會議員的湯，曾在立會狠批一地兩檢在憲法上不可行；而原本在大律師公會改選中支持林定國的他，早前指公會的一地兩檢聲明「過份咗」，並稱林的團隊與對手戴啟思團隊分別不大，要取捨不容易。
■記者姚國雄