財女手筆：買滙控係咪太遲？

【蘋果日報】聖誕假期開心快活完，滙豐控股（005）愉快股價仲未完！5號仔係新一年第一個交易日就以3年新高收市，裂口衝完80蚊，仲要以全日最高位81.3元收市，升咗1.7%。
睇少傳統智慧嘅投資者，要記緊新一年唔好逆風而行，睇清楚個風向。有人問依家入滙控係咪太遲？滙控未來盈利能力受到各大分析師睇好，明顯業務係樂觀嘅，有近20位分析師估，大象繼續變身小飛象，至少未來幾年盈利會有高增長，會由目前將0.278美元升至0.779美元，意味未來幾年每股盈利增長比率180%，前景都幾樂觀。
至於上年極力睇好嘅賭股，尤其銀娛（027），由推薦買入到現時，升咗一倍，當初身體力行25蚊殺入銀娛，可惜耐性唔夠，中途入過走過，今年要好好反省學習。不過對於賭股，上年成為港股王者，今年反而有戒心，因為當年2013年賭股如日方中，又係港股王者，點知2014年起中央打貪，玩到賭股死死吓，今年賭股捲土重來，我反而記住賭股非常政策市，習班子如何對澳門？仲要睇多睇，大家玩要有戒心。
Melody