新聞類別
財經
詳情#
【蘋果日報】樂視創辦人賈躍亭之前俾大陸官方責令要喺上月31號前回國，日前新華社就更加提到，唔排除強制賈躍亭回國嘅可能。但老賈似乎仲未返去喎，得佢老婆甘薇自己一個返北京，仲係微博度話，「2017最後一天，使命歸來。2018新年伊始，任重道遠……早安，北京。」唔知佢嘅使命係咪幫老公補鑊呢？
但唔止一個女人對賈躍亭有意見，近排落力數臭賈躍亭嘅格力電器董事長董明珠噚日喺珠海再開炮，「他一開始是不是想騙錢我不知道，但是結果就是這樣」。仲大數賈躍亭不負責任，指企業家要做到面對社會、員工、同國家都唔可以忘記責任兩個字，「如果我們把責任二字忘了，我們就會迷失方向」。佢一再強調，一個人冇誠信，人哋幫你亦只得一次，「我相信幫賈躍亭的人太多太多，結果讓太多人失望」。
提到做人老闆點留住人才，董明珠就話，一定唔會佢哋「喝稀飯，住茅屋」，話要畀8萬個員工每人有兩房一廳，「只要你住到退休，房價再高跟你也沒啥關係」，如果係真嘅，相信都好難有人辭職啦。
李華華
LiWaWa@AppleDaily.com
但唔止一個女人對賈躍亭有意見，近排落力數臭賈躍亭嘅格力電器董事長董明珠噚日喺珠海再開炮，「他一開始是不是想騙錢我不知道，但是結果就是這樣」。仲大數賈躍亭不負責任，指企業家要做到面對社會、員工、同國家都唔可以忘記責任兩個字，「如果我們把責任二字忘了，我們就會迷失方向」。佢一再強調，一個人冇誠信，人哋幫你亦只得一次，「我相信幫賈躍亭的人太多太多，結果讓太多人失望」。
提到做人老闆點留住人才，董明珠就話，一定唔會佢哋「喝稀飯，住茅屋」，話要畀8萬個員工每人有兩房一廳，「只要你住到退休，房價再高跟你也沒啥關係」，如果係真嘅，相信都好難有人辭職啦。
李華華
LiWaWa@AppleDaily.com
留言 (0)
