傅振中轟袁國強「着草」

【蘋果日報】元旦日有團體遊行表達訴求，約40名保衛香港運動成員由銅鑼灣百德新街出發，遊行至鵝頸橋底集會，促律政司盡快檢控佔中人士，又譴責有傳已向特首辭職的律政司長袁國強「着草走人」，令市民對司法制度失信心。
指姑息舊同學戴耀廷
保衛香港運動主席傅振中稱，佔中發起人戴耀廷、陳健民和朱耀明至今仍然逍遙法外，質疑律政司有內鬼，「袁國強咁後生做完律政司，可能仲要喺法律界搵食，所以唔夠膽得罪啲泛民法律界人士」。他批評律政司雙重標準，起訴愛國愛港人士和執行職務的紀律部隊人員，「對戴耀廷嗰啲法律系同學就姑息養奸」。
質疑袁國強和戴耀廷同為港大法律系同學，稱明眼人都知道二人蛇鼠一窩，斥袁辭職「着草走人」，留下爛攤子給特區政府。但事實上，佔中三子早已在去年9月因佔領運動被控公眾妨擾罪。
集會期間，因旺角騷亂被控暴動罪的「美國隊長」容偉業向示威者揮動港英龍獅旗幟，傅振中等人隨即高舉中國國旗反擊，並大喊「米字旗，漢奸旗」，雙方互舉旗幟對峙。最後示威者獲派發每人一盒朱古力後散去。
■記者梁銘恩