新聞類別
娛樂
詳情#
【蘋果日報】【深水埗】黃心穎和馬國明的戀情最近成為焦點，繼日前有讀者報料，指她和馬國明及二家姐心妙（Shelby）去商場玩飄雪，日前心穎再被本報發現，她和兩個姐姐心美及心慧，現身深水埗宅男勝地黃金商場。
當日約下午3時多，心穎和姐姐一行三人由油塘寓所出發，乘的士直達深水埗黃金商場，明顯三人都不熟路，下車後都表現得有點迷茫，更一度行錯路，左望右望才找到要去的地方。
選購禮物
雖然心穎和心美當日只化了淡妝，但被不少宅男發現並眼望望，惟三人目標清晰，入商場後第一時間去了一間賣Switch遊戲機的店，三姊妹並排人牆式而企，該店職員即仔細向她們解釋及介紹不同的game，結果三人極快手便買了兩部遊戲機及兩款game，再齊齊坐的士返家。
感覺新鮮
心美接受《蘋果》訪問稱：「哈哈哈，咁都俾人影到，你哋真係好好彩，我哋三姊妹都好耐冇試過咁樣一齊出街，我哋夜晚同媽咪慶祝生日，三妹又諗住買份聖誕禮物送畀男友，所以我同心穎咪陪佢落黃金買，之後再去買蛋糕，我預咗瀨瀨哋嘢！」
心穎回覆傳媒則表示：「我本身都有問家姐，點解一定要落去買，查實呢部遊戲機好多地方有得賣喇，不過算喇，咪陪佢一齊去睇，之後去食飯。」有指現場不少宅男眼望望，心穎指：「我周不時有望吓，不過反而感覺好新鮮，但係好耐冇去呢啲電子商場，雖然間間賣嘅嘢都差唔多，不過總係逐間行，逐間睇！」
採訪、攝影：徐錦池、吳耀輝
當日約下午3時多，心穎和姐姐一行三人由油塘寓所出發，乘的士直達深水埗黃金商場，明顯三人都不熟路，下車後都表現得有點迷茫，更一度行錯路，左望右望才找到要去的地方。
選購禮物
雖然心穎和心美當日只化了淡妝，但被不少宅男發現並眼望望，惟三人目標清晰，入商場後第一時間去了一間賣Switch遊戲機的店，三姊妹並排人牆式而企，該店職員即仔細向她們解釋及介紹不同的game，結果三人極快手便買了兩部遊戲機及兩款game，再齊齊坐的士返家。
感覺新鮮
心美接受《蘋果》訪問稱：「哈哈哈，咁都俾人影到，你哋真係好好彩，我哋三姊妹都好耐冇試過咁樣一齊出街，我哋夜晚同媽咪慶祝生日，三妹又諗住買份聖誕禮物送畀男友，所以我同心穎咪陪佢落黃金買，之後再去買蛋糕，我預咗瀨瀨哋嘢！」
心穎回覆傳媒則表示：「我本身都有問家姐，點解一定要落去買，查實呢部遊戲機好多地方有得賣喇，不過算喇，咪陪佢一齊去睇，之後去食飯。」有指現場不少宅男眼望望，心穎指：「我周不時有望吓，不過反而感覺好新鮮，但係好耐冇去呢啲電子商場，雖然間間賣嘅嘢都差唔多，不過總係逐間行，逐間睇！」
採訪、攝影：徐錦池、吳耀輝
回應 (0)
