中環在線：邵氏「姜導」撇低黎瑞剛？

【蘋果日報】有「中國梅鐸」之稱嘅黎瑞剛，舊年10月正式入主邵氏兄弟（953），坐正做主席，當時佢仲帶埋自己華人文化（CMC）旗下引力影視嘅姜偉入去做執董，話要投資10億人仔開拍至少8部電影、3套無線網劇。
但只係短短1年多啲，姜偉導演就唔做執董嘞，邵氏兄弟指，姜導其他業務日益繁重，所以明年1月1日起辭任公司執行董事。
姜導本身喺內地影圈好出名，2001年至2013年先後任職在安樂影片中國區總代表和安樂（北京）電影發行有限公司總經理，過去參與製作並發行影片《霍元甲》、《功夫》、《不能說的秘密》、《色戒》、《寒戰》及《北京遇上西雅圖》等華語電影。
睇番資料，當年佢同黎瑞剛加入公司時，市值有14.5億元，但短短一年幾，噚日市值得返7.2億，咁啱姜導又走，有乜玄機呢?
李華華
LiWaWa@AppleDaily.com