譚志源：17/18未啟動政改2022難普選特首

【蘋果日報】《議事規則》被收緊、《國歌法》、一地兩檢接踵而來，政改則遙遙無期。特首林鄭月娥雖形容普選特首是「應該爭取的目標」，但就指現時重啟政改或會引起社會撕裂，又稱民主派在修改議事規則爭議，表達對她及建制派不滿，「肯定唔係一個有利（重啟政改）嘅條件」。前政制局長譚志源則說，若今屆政府任期頭一兩年未啟動政改，2022年未必可普選特首。
林鄭：現非有利條件
林鄭接受香港電台訪問時，被問到明年能否重啟政改的問題。她推說要衡量能否做到的問題，「如果做唔到，又係令到香港本來已經平穩咗喇，依家講經濟又比較好，又返番去有一個佔領嘅局面，又返番去社會嘅撕裂，我覺得社會大眾都唔會贊成」。她更歸咎民主派指，「非建制嘅議員因為今次議事規則嘅唔開心，話要百倍奉還畀建制派同埋我作為行政長官或者係特區政府，呢個肯定唔係一個有利（重啟政改）嘅條件」。
談到不少青年都要求真普選時，林鄭再搬出其「三業三政」，即學業、事業和置業，青年議政、論政和參政的說法，然後稱與青年同行「唔等於樣樣以青年主觀嘅願望為依歸」。她舉例稱，「即係等如我都係兩個仔嘅阿媽，當我話我好愛錫我嘅兒子嘅時候，唔係寵愛佢哋，唔係佢哋話要乜嘢就要乜嘢」，她覺得作為成年人，希望青年成為具國家觀念、世界視野、香港情懷、社會承擔的下一代。
候任港區人大代表、前政制局長譚志源隔空和應林鄭的說法指，相信下屆特首能由普選產生的機會不大，因為若今屆政府任期頭一兩年未啟動政改，意味2022年未必可以一人一票選特首，他覺得重啟政改前應先做好溝通工作，令雙方對法律問題有共識，這樣重啟政改才較易成功，否則貿然重啟並無好處。
■記者呂浩然