「我冇講過要扭轉樓價上升局面」

【蘋果日報】樓價不斷創新高，林鄭月娥卻指出，「我冇講過扭轉樓價上升嘅局面」，又承認樓市辣招無助壓抑樓價。她的房屋政策重點是解決供應不足問題，及滿足市民要置業的希望。
指辣招無助壓抑樓價
林鄭月娥接受香港電台訪問時表示，「我冇講過扭轉樓價上升嘅局面，我係要扭轉一個供不應求嘅局面，或者簡單嚟講根本係供應不足」。
林鄭月娥指，現時樓市有剛性需求，並非純粹炒賣。現時年輕人都希望有私人生活，令到一個大家庭分成幾個小家庭，但過去十多年土地開拓工作是滯後了，她的房屋政策重點是持續增加土地供應。
林鄭月娥表示，「樓價上升真係無辦法由政府去壓抑，出咗幾輪辣招，都無壓低樓價係咪？反而依家有人問，可能係辣招整高樓價，因為買二手樓非常困難，所以一手樓價不斷飆升」。
對於綠置居恒常化政策引起爭議，林鄭月娥指出，她的房屋政策和競選政綱，都以置業為主導，「希望置業嘅訴求唔係我放諸市民身上，係市民不斷訴求」。
各政黨都要求重推租者置其屋，但政府衡量後認為租置計劃令公屋管理出現問題，所以決定建新屋給公屋居民購買。
■記者麥志榮