新聞類別
港聞
詳情#
【蘋果日報】中國傳統冬至大過年，不少市民一早訂枱昨晚一家大細到酒樓食晚飯，但青衣一間酒樓聲稱「海鮮未送到」客人要延遲入座，令到大批已訂枱的市民未能依時入座，數十名客人不滿被拒諸門外聚集門外鼓譟，有人質疑酒樓超額訂枱。部份客人一肚氣最終等不到枱離開，冬至飯被迫泡湯。
現場混亂 不夠枱凳
現場長康邨商場1期2樓喜悅皇宮，食客之一范小姐早於一個月前已向酒樓訂枱食冬至飯，昨晚8時許她與家人一行6人到酒樓做冬，但未能取得訂枱入座需要等候，當時酒樓外有其他已訂枱的食客在大排長龍；加上即場惠顧的客人，一度約有80人塞爆酒樓門外，場面混亂。
她說：「訂咗枱亦係攞張枱號飛，一齊喺門口等，好多訂咗大枱嘅客人，一家大細喺門口企咗成粒鐘。」其後她等了45分鐘，因為人數較少終獲安排入席，但6人枱變了4人枱，而酒樓內亦一片混亂，「冇員工幫客人埋單，入到去枱又未執，每張枱唔夠凳，啲客要自己擔凳，好多嘢冇得食，好似海鮮都話冇」。上菜時其中一碗翅，更發現一條懷疑洗碗布的線頭，大感惡心。不少客人最後苦等無果離開，酒樓同意退訂。
范說該酒樓屬新開張，疑第一年做冬至飯，致超額接受訂枱。酒樓姓盧經理解釋，因海鮮供應商突然延遲來貨，至傍晚約6時才送來海鮮，致酒樓要順延客人訂枱的入座時間。他對造成客人不便感抱歉，並強調沒有貨不對辦，「客人訂嘅海鮮菜式，全部都有供應到！」
■記者司徒韋桐
現場混亂 不夠枱凳
現場長康邨商場1期2樓喜悅皇宮，食客之一范小姐早於一個月前已向酒樓訂枱食冬至飯，昨晚8時許她與家人一行6人到酒樓做冬，但未能取得訂枱入座需要等候，當時酒樓外有其他已訂枱的食客在大排長龍；加上即場惠顧的客人，一度約有80人塞爆酒樓門外，場面混亂。
她說：「訂咗枱亦係攞張枱號飛，一齊喺門口等，好多訂咗大枱嘅客人，一家大細喺門口企咗成粒鐘。」其後她等了45分鐘，因為人數較少終獲安排入席，但6人枱變了4人枱，而酒樓內亦一片混亂，「冇員工幫客人埋單，入到去枱又未執，每張枱唔夠凳，啲客要自己擔凳，好多嘢冇得食，好似海鮮都話冇」。上菜時其中一碗翅，更發現一條懷疑洗碗布的線頭，大感惡心。不少客人最後苦等無果離開，酒樓同意退訂。
范說該酒樓屬新開張，疑第一年做冬至飯，致超額接受訂枱。酒樓姓盧經理解釋，因海鮮供應商突然延遲來貨，至傍晚約6時才送來海鮮，致酒樓要順延客人訂枱的入座時間。他對造成客人不便感抱歉，並強調沒有貨不對辦，「客人訂嘅海鮮菜式，全部都有供應到！」
■記者司徒韋桐
留言 (0)
