錢幣商：單張3連張可待過年後放

【蘋果日報】中銀紀念鈔首日回收價受壓，錢幣商坦言今次紀念鈔發行量大，加上內地打壓炒風，相信即使收藏至日後出售，炒價亦有限，30連張更肯定要蝕讓。
九龍集郵中心負責人蔡芳祥指，雖然有內地買家對今次中銀紀念鈔感興趣，但仍未接獲正式定單，故現時回收價不高，單鈔及3連張大部份只是平手走，「可能周末等批買家真係到香港攞貨，價錢會冇咁浮動，單張可以賺翻幾十蚊」。至於重災區30連張，蔡芳祥坦言一定要蝕2,000至3,000元，「內地打貪，依家唔會再一大版送禮，又難收藏，炒唔起」。以前年匯豐推出的150周年紀念鈔35連張為例，他指現時已跌穿發行價，僅收1.5萬至1.6萬，即要蝕近8,000元。
有近40年收藏錢幣經驗的李漢民則稱，昨日早上中銀紀念鈔單鈔的內地叫價曾見320元人民幣，故大清早或有錢幣商以300港元回收單鈔，但隨着之後市民陸續取鈔，價位或受壓，建議市民視乎能力，或可待過年後才放售，相信單張及3連張未至於要蝕讓。
■記者陳洛嘉