灣仔食肆泥鯭死老鼠「共浴」同浸一盆水　老闆︰準備丟棄非奉客

【蘋果日報】飯店驚現「死老鼠浸泥鯭」的惡心場面！有巿民日前途經灣仔一間飯店門外，發現有職員竟將一個內有一隻老鼠的老鼠籠，放入一個盛着冰鮮泥鯭的水盆內，將老鼠浸死。市民見狀大感惡心，並懷疑該食店事後會將該盆泥鯭作奉客之用，店東經《蘋果》質詢後指該些泥鯭原本便準備棄掉，事後已與老鼠一併丟棄，稱事件純屬誤會。但有市民質疑食店是狡辯，擔心會傳播病菌。
記者：溫瑞麟
市民李先生表示，周四（14日）下午4時許，途經灣仔寶靈頓道明記飯店門外，見到門外放着一個裝滿水的藍色膠盆，盆內用水浸着一批正解凍的冰鮮泥鯭，之後一名職員在旁邊拿起一個困着一隻老鼠的老鼠籠，直接放進該膠盆內，與冰鮮泥鯭同浸水中。
他形容，當時見到活生生的老鼠不斷在水中掙扎，大約一分鐘後便沒有動靜，相信經已溺斃。李先生質疑該食肆衞生欠佳。「老鼠好多病毒好多菌，將隻咁嘅嘢浸過啲食物，真係食死人！」他批評:「估唔到光天化日一個人流咁多嘅地方，會見到咁嘅場面，冇見過有食肆會咁核突嘅！」質疑該批冰鮮泥鯭會否如常售予顧客食用。他其後離開現場，不肯定食店事後如何處理該批泥鯭和老鼠屍體。
市民質疑︰丟仲要解凍？
《蘋果》接獲投訴後，前日拿着李先生拍下的相片到該飯店與老闆對質，當時仍見到懷疑曾放置老鼠及泥鯭的藍膠盆放架上，旁邊同時擺放食具及蔬菜。負責人盧先生回應指事件是一場誤會。他解釋飯店開業20多年，由於近垃圾站，經常有老鼠出沒，故日常會擺放老鼠籠以防鼠患，「捉到老鼠冇理由淥死佢咁殘忍」，所以會將老鼠浸死。
盧先生強調：「捉到老鼠會浸死佢，先至倒落垃圾桶，搵嘢包住，包括嗰啲死嘅魚，都係諗住唔要嘅，一齊浸水之後會包好晒，丟落垃圾桶！」對於有市民擔心與老鼠浸在同一膠盆的泥鯭會賣給食客，他還反問記者：「你話會唔會（賣）呢？咁多死嘢！如果咁樣賣畀人食，簡直就係荒謬嚟！」
不過，有市民對店東「泥鯭是垃圾」的說法存疑，稱「反正都要丟，點解仲要將泥鯭『啤』水？這動作明明係要將雪硬咗嘅泥鯭解凍售賣」，亦有人擔心該個膠盆在未完全清洗下再用來裝載食物，會傳播病菌。